Kisabac lusamutner - Hogus Artacolanqnere : Кисабац лусамутнер (17.11.2015)

"ՀՈԳՈՒՍ ԱՐՏԱՑՈԼԱՆՔՆԵՐԸ" - Վանաձորի ուսանողական հանրակացարանի այս փոքրիկ սենյակում ապրում է Արև Ղամբարյանը՝ մոր ու 3 զավակների հետ: 39-ամյա Արևն արդեն 13 տարի վրձինը ձեռքը չի վերցրել: Չնայած այդ փաստին՝ նա շարունակում է իրեն հոգով նկարչուհի համարել: Միայնակ մոր գլխին թափված հոգսերն ու տան անհարմարությունները չեն թողնում ստեղծագործել: Փոխարենը Արևը զբաղվում է երեխաների դաստիարակությամբ ու փորձում վաստակել նրանց հանապազօրյա հացը: Մութ ու սոված օրերը չեն խանգարել Արևին հոգևոր արժեքներով հարուստ զավակներ մեծացնել: Դպրոցահասակ երեք երեխաներն էլ մասնակցում են բազմաթիվ խմբակների: 15-ամյա Սմբատը սիրահարված է թատրոնին, 9-ամյա Սյուզին դհոլ է նվագում, 7-ամյա Սոնան էլ հասցրել է հաջողություններ գրանցել պարի ու սպորտի մեջ: