ՀԱՂԹԵԼՈՎ ՄԱՀԸ - Վանաձոր քաղաքում է ապրում Աքուլյանների բազմանդամ ընտանիքը: Այստեղ բոլոր դժվարությունները հաղթահարվում են միասին, ոչ ոք չի բողոքում չունեցածից ու ապրում են՝ գոհանալով եղածով: 2012 թվականի հուլիսի 25-ին Մարատ Աքուլյանի տղայի՝ Էդուարդի հետ տեղի ունեցած դեպքը խախտեց Աքուլյանների խաղաղ առօրյան: Ծառից պտուղ քաղելու հերթական փորձը Էդուարդին կանգնեցրեց կյանքի ու մահվան եզրին: Լուռ ու մունջ, արցունքոտ աչքերով, բայց մեծ հավատով արդեն 3 տարի Աքուլյանները փորձում են պայքարել Էդուարդին ոտքի կանգնեցնելու համար: Տան մեծերն ու փոքրերն անում են հնարավոր ու անհնար ամեն ինչ՝ աջակցելու 13-ամյա տղային ու ցրելու նրա վախերն ու տագնապները: