ԵՐԿՈՒՍՈՎ ԼՔՎԱԾ ՏՆԱԿՈՒՄ - Անհնար է պատկերացնել, թե կյանքի ինչպիսի հարվածները կարող էին երիտասարդ այս կնոջը հասցնել այն մտքին, որ ինքն Աստծո կողմից անիծված է: 26-ամյա Անի Մարուքյանն ապրում է Էջմիածին քաղաքի Պետ-Տնկարան կոչվող տարածքում՝ 6-ամյա որդու՝Հակոբի հետ: Փոքրիկ ու մեկուսի տնակում ապրում են մայր ու որդի՝ չունենալով ապրելու համար անհրաժեշտ ոչինչ: Մի քանի գրոշ աշխատելու ու որդուն սովից փրկելու համար Անին ստիպված է արևի տակ դաշտային աշխատանքներ կատարել ու վաստակել օրվա հացը: