ՃԱՆԱՊԱՐՀ ԴԵՊԻ ԳԻՆԵՍԻ ՌԵԿՈՐԴՆԵՐ - 7-ամյա Սարիբեկ Մոսինյանին Վանաձորում բոլորն են ճանաչում: Դեռ 6 ամսականում ծնողները հասկացան, որ երեխան տարբերվում է մյուսներից իր ֆիզիկական կարողություններով ու ճարպկությամբ: 5 տարեկանում նա կատարեց 1111 կքանիստ, սահմանեց իր առաջին ռեկորդն ու գրանցվեց հայկական "Դյուցազնագրքում": Վերջին ռեկորդը Սարոն սահմանեց 2014-ի ապրիլին: 1 տոննա 273 կգ կշռող ավտոմեքենան նա կարողացավ հրել 44 մետր: Այս ռեկորդով Սարիբեկը չի սահմանափակվում: Նա կարծում է, որ հենց Գինեսի Ռեկորդների գրքում հայտնվելը պետք է լինի իր հաջորդ քայլը:
Կառատե, այժմ նաև ձյուդո: Սրանք փոքրիկ Սարիբեկի նախընտրած մարզաձևերն են: Ծնողները, չնայած առկա սոցիալական դժվարություններին, ոչինչ չեն խնայում որդու մարզումները ժամանակին կազմակերպելու համար: