ՍԿԻԶԲ՝ ՃԱՂԵՐԻՑ ԱՅՍ ԿՈՂՄ - Անժելան ամեն անգամ խարխուլ սանդուղքով զգուշությամբ է բարձրանում իր վարձակալած սենյակը: Տարիներ առաջ նա տնից փախավ հարևան հանրապետություն ու այնտեղ հանդիպեց իր ամուսնուն: 3 դուստր լույս աշխարհ բերած և իր կրծքի տակ ևս մեկ կյանք կրող կինն այսօր մենակ է. ամուսինն ազատազրկված է Վրաստանի հանրապետությունում, 3 երեխաներն էլ գիշերօթիկ դպրոցում են: Արդեն 3 տարի է`43-ամյա Անժելան աղբանոցներում շրջելով է օրվա հաց հայթայթում: Այնտեղից գտած մետաղներից ու շշերից ստացված գումարով է կարողանում վճարել նաև սենյակի վարձը: