ԱՐԵՎԻԿ Է ԱՆՈՒՆԸ - Արևիկն է: Ընդամենը 20 տարեկան աղջիկ, ով չի ժպտում: Նա իր հասակակիցների պես չի ապրում: Երազում է այնպիսի բաների մասին, որոնք այլ մարդկանց համար սովորական առօրյա են: Ուսումը շարունակելու հնարավորություն չունի՝ չնայած ցանկությունը շատ մեծ է, ժամանցի և գեղեցիկ օրերի մասին խոսելն անգամ ավելորդ է:
Փոքրամարմին այս աղջկա ուսերին ծանր բեռ է դրված: Ամեն օր Արևիկը ոտքով կտրում անցնում է Երևանի երկար փողոցները՝ մի ծանոթի տանից մյուսը գնալով, միայն թե կարողանա մոր համար անհրաժեշտ դեղերի փող հայթայթել ու մի փոքր ուտելու բան գտնել: Մի քանի օր ևս և տան տերը կրկին կթակի դուռը՝ պահանջելով վարձը. այս միտքը սարսափեցնում է Արևիկին: