ԱՊՏԱԿՆԵՐ ԿՅԱՆՔԻՑ - Արարատի մարզ, Սայաթ-Նովա գյուղ: Այս օտար հասցեում է արդեն 4 տարի բնակվում բազմազավակ Արմինե Նազարյանը: 40-ամյա Արմինեն միայնակ է հոգում 5 երեխաների հոգսն ու արդեն 8 ամիս՝ ամեն օր սպասում ամուսնու վերադարձին: Կնոջ դերն ու նշանակությունը տիկին Արմինեն կարծես մոռացել է: Ընտանիքի հոգսը հոգալու համար նա անտրտունջ կատարում է հարկ եղածը: Ամեն առավոտ վախով արթնանալով՝ մայրն ու երեխաները մտածում են, որ կարող են հենց այդ օրը հայտնվել բաց երկնքի տակ: Տան վարձավճարը հասցնել չեն կարողանում, իսկ դրան գումարվում է քաղցած չմնալու խնդիրը: