СТАНЬ VIP

Սոնա Արշունեցի

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Սոնա Արշունեցի

Сообщение:#71  Сообщение Армине » 29 дек 2008, 02:21

ԹԵ ՄԱՆԿԱՆԱՅԻ

Ինչքան հեռանամ
Քեզնից մանկություն
Այնքան տենչում եմ
Քո գիրկը ետ գամ
Ու քո խաղերով
Նորից խենթանամ
Քո անմեղությամբ
Նորից զարմանամ
Քո այգաբացով
Անվե~րջ հիանամ
Ու մայրամուտով
Ոչի~նչ չհասկանամ...
Աստղերիդ թիվը
Հաշվել չիմանամ
Սրտնեղվեմ ու լամ
Ու առավոտ վաղ
Գոմից դուրս թռած
Գառնուկի նման
Սարերդ փախչեմ
Ու ծաղիկների
Բույրով արբեցած
Հենց սարալանջին
Ընկնեմ ու քնեմ,
Միայն արթնանամ
Հորս համբույրից
Հորս գրկի մեջ
Միայն արթնանամ,
Իրիկվա զովից
Դողամ ու մրսեմ
Հորս ջերմությամբ
Միայն ջերմանամ:

1982
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#72  Сообщение Армине » 29 дек 2008, 02:21

ՎԵՐԱԴԱՐՁ

Այս ձմռան ցրտին
Մի խենթ կարոտ է
Այրվում իմ հոգում
Գարուն եմ փնտրում.
Խենթ մանկությունս է
Իր գիրկը կանչում,
Իմ հին ու ծանոթ
Սարերն եմ փնտրում...
Վազում եմ ասես
Ես ոտաբոբիկ,
Ձնծաղիկներ եմ
Փնտրում ամենուր
Ու ինձ եմ անվերջ
Փնտրում նրանց մեջ
Ու շշնջում եմ
Կարոտով անվերջ.
- Նորից մանկացա
Ես ձեր լանջերում
Նորից խենթացա
Իմ ծանոթ սարեր,
Ու ամեն գտած
Ձնծաղիկի հետ
- Իմն է, հեռացե՛ք,
Իմ ձնծաղիկին
Մատով չկպչեք:
Ու առաջվա պես
Մեծ-մեծ քարեր եմ
Ժողվում ու դնում,
Ու ամեն մեկին
Քարով նշանում,
Հետո հաշվում
Քարերն այդ բոլոր,
Նորից խենթանում,-
- Այս մեր սարերում,
Ծանոթ սարերում
Այսքան ձնծաղիկ
Բացի ինձանից,
Ոչ ոք չի փնջում

1980
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#73  Сообщение Армине » 29 дек 2008, 02:21

ՋԱՀԵԼՈՒԹՅՈՒՆ

Ո՞ւր ես գնում
Ջահելություն
Կանգնի՛ր, կանգնիր
Մի քիչ խոսենք,
Գուցե հետ երբե~ք, երբե~ք
Էլ մենք իրար չհանդիպենք
Ուղեկցեցիր ինձ այս
Ճամփան
Հիմա թողած ճամփամիջում
Հեռանո՞ւմ ես դու ինձանից
Տանում ինձնից
Խենթ մանկություն.
Գարուններս ես
Տանում քեզ հետ,
Տանում այրող
Սրտի մի հուր,
Բոցկլտացող
Կրակ մի սեր
Չկրկնվող ու վարդաբույր,
Բայց իմացիր,
Ինչ էլ ինձնից
Ու ծաղիկ քաղեմ,
Իսկ հետո մի պահ
Սթափվում եմ ես,-
- Ամոթ չի՞ հանկարծ
Դատարկ տուն գնամ.
Նորից եմ կապում
Գոգնոցն իմ մեջքին
Քիչ առաջ թափած
Սինձն ու սիբեխն եմ
Գետնից հավաքում,
Ու տունդարձի
Ճամփան եմ բռնում,
Իսկ ծաղիկները
Ծփում են անվերջ
Ու ոտքերիս են
Նրանք փաթաթվում
Ինձ ետ են կանչում

1990
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#74  Сообщение Армине » 29 дек 2008, 02:22

ՄԵՐ ԴԱՇՏԵՐՈՒՄ

Փոքրիկ մի աղջիկ
Քանց վայրի եղնիկ
Ազատ դաշտերում
Սինձ ու սիբեխ եմ
Ընկած հավաքում,
Իսկ ծաղիկները
Իմ ոտքերի տակ
Մեղմիկ զեփյուռից
Նազում են բուրում
Ու անվերջ ծփում.
Մի տեսակ հանկարծ
Ծաղիկ քաղելու
Պահանջ եմ զգում
Ու մեջքիս կապած
Գոգնոցն արձակում
Ու վայր եմ թափում
Իմ ողջ հավաքած
Սիբեխն ու սինձը,-
- Թող ազատ լինեմ
Ինձ խանգարող
Այս կապանքներից
Թող անհոգ վազեմ
Ու ծաղիկ քաղեմ,
Իսկ հետո մի պահ
Սթափվում եմ ես,-
- Ամոթ չի՞ հանկարծ
Դատարկ տուն գնամ.
Նորից եմ կապում
Գոգնոցն իմ մեջքին
Քիչ առաջ թափած
Սինձն ու սիբեխն եմ
Գետնից հավաքում,
Ու տունդարձի
Ճամփան եմ բռնում,
Իսկ ծաղիկները
Ծփում են անվերջ
Ու ոտքերիս են
Նրանք փաթաթվում
Ինձ ետ են կանչում

1990
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#75  Сообщение Армине » 29 дек 2008, 02:22

ՀԱՅՐ ԻՄ

Պարտական եմ քեզ
Հայր իմ սիրասուն
Պարտական եմ քեզ
Ես իմ գոյությամբ
Ամբողջ էությամբ
Անսահման սիրով,
Իմ նվիրումով,
Մտքի թռիչքով,
Որ ստացել եմ
Քեզնից գեներով
Պարտական եմ քեզ:
Պարտական եմ քեզ
Ես իմ բարությամբ
Հավատարմությամբ
Մարդկանց սիրելու
Իմ կարողությամբ
Պարտական եմ քեզ
Հայր իմ արդար
Սրբություն իմ վես
Իմ հոգու տաճար
Այսօր դու չկաս
Մենակ եմ անտեր,
Սիրտս է ավեր
Կարոտն է խեղդում
Կարոտը ձայնիդ
Խոհուն հայացքիդ
Թվում է ահա
Ուր որ է կգաս,
Թեեւ հեռու ես
Ինձանից, անհաս
Փնտրում եմ հայր իմ
Փնտրում ամենուր
Փնտրում եմ մոլոր
Հայր իմ, հայր իմ
Հայր իմ թանկագին
Չունեմ այս կյանքում
Քեզնից մտերիմ.
Հեկեկում եմ լուռ
Գլուխս դրած
Քո հողաթմբին
Դու շիրմաքարիդ
Նկարից թաքուն
Մազերս ես շոյում
Նայում եմ երկար
Ժպտացող դեմքիդ
Համբուրում եմ լուռ
Նկարդ արդեն
Դարձած քարեղեն
Խոր հոգոց քաշում
Կամաց շշնջում
- Ինձ հետ ես, հայր իմ,
Քնած թե արթուն,
Իմ խոհերի մեջ
Ու ոչ մի ուժ ինձ
Չի կարող զատել
Քեզանից երբեք
Անբաժան ենք մենք
Հար ու հավիտյան
Հայր իմ, հայր իմ
Հայր իմ, իմ անգին
Հայր իմ թանկագին:

2004, Բրյուսել
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#76  Сообщение Армине » 29 дек 2008, 02:23

ՄՈՐՍ

Այնքան ազնիվ, այնքան բարի
Բարություն ես սերմանում
Ատում ես դու չարն ու կեղծիք
Աստծո ճամփով ես գնում
Սակայն կյանքը քեզ չժպտաց
Մայր իմ խեղճ ու սգավոր
Որդիներիդ մեկիկ-մեկիկ
Անդարձ հողին հանձնիր դու
Այդ մեծ վիշտը քո մեջ տարար,
Քարն ու սարը չէր տանի,
Բայց քո ճամփից հետ չդարձար
Քո սերմերը ցանեցիր.
Դու ապրեցիր սերմանելու
Կյանքում միշտ լավն ու բարին
Բարու ճամփով տարար չարին
Քո ծնունդը օրհնվի:

2003, Բրյուսել
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#77  Сообщение Армине » 29 дек 2008, 02:24

ՈՒ ՔԱՆԻ ԿԱ ՀԱՅ ՏԱՌ ՈՒ ԲԱՌ

Դարեր ի վեր, դարեր ի վեր
Ազգիս արյունն է հեղվել միշտ
Կաթի՜լ - կաթի՜լ , շի՜թ առ շի՜թ
Ավարայրից մինչև Տեր-Զոր
ՈՒ Սումգաիթ...
ՈՒ դուք եք լոկ միակ վկան.
Դուք' իմ անգի,
Դուք' իմ անմահ
Հայոց տառեր
Հայոց տառեր մեր հայերեն,
Որ եկել եք անտիկ դարեն.
Սուրբ Մաշտոցը ձեզ արարեց,
Հղկեց, տաշեց մեզ պատգամեց,
Որ պահպանենք
ՈՒ փայփաենք
Մեր հավատքի ամուր կամքով
ՈՒ մեր խաչով,
Մեր պապերի անցած ճամփով,
Արահետով,
Պարմիչների մագաղաթյա
Մատյաններով,
Նարեկացու հանգ ու վանկով
Կոմիտասի երգ ու տաղով,
Շարականով,
Մեր արյունոտ սև անցյալով
ՈՒ բիբլիական Արարատի
Ձյունե թագով,
Նվիրումով,
Որ շղթայված մեր մայր հողում
Աչքը ճամփին մեզ է սպասում
Թուրքն է գերել մեր աչքի դեմ.
Քեզ իմ երգով ետ կբերեմ'
Իմ գրիչով կելնեմ մարտի,
Ոչ մի ուժ չի նրան հաղթի,
Կկոտրեմ ես ամե´ն կապանք,
Վերջ կդնեմ քո տառապանք:
Փորձություններ կգա՜ն-կերթա՜ն
Դարեր կգան, դարեր կերթան
Կմնաս միշտ, միշտ Հայկական
Դու իմ միակ, իմ Բիբլիական.
ՈՒ քանի կա հայ տառ ու բառ,
Քանի որբ ես հրաշք իմ սար,
Հայը չունի քուն ու դադար.
Քանզի մենք ենք քո տերն արդար
Հայի երազ, հոգի, հավատ
Մեսրոպատառ ի´մ Արարատ:
2005թ Բրյուսել
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#78  Сообщение Армине » 29 дек 2008, 02:25

ՉԱՐՆ Է ՄՏԵԼ ՄԵՐ ՄԵՋ ԴԱՐԱՆ

Ասես լինի կյանքը միրաժ
Շուրջս ամեն փուչ ու խաբկանք
Լոկ աշխարհն է կանգուն հավերժ.
Մենք այսօր կանք, վաղը' չկանք
Ծով մտքերն են սիրտս տանջում.
Վերացել է սեր, բարություն...
Մարդն է անվերջ դավում մարդուն
Հեղում անվերջ անմեղ արյուն:
Փոթորկվել է աշխարհն այսօր
Ալեկոծվել ծով ու օվկիան
Խելակորույս մարդն է մոլոր
Գցում իրեն մահվան բերան
Շղթայված է մարդը մտքով.
Չարն է մտել մեր մեջ դարան.
Շաղախել է հացն արյունով
ՈՒ քայլում է դեռ հաղթական...
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#79  Сообщение Армине » 29 дек 2008, 02:25

ՈՒ ԱՄԵՆ ԳԻՇԵՐ

Սրտումս են թաղված,
Գլխումս են թաղված
Խղճիս ծանրացած
Ոսկորներն ազգիս
Տեր-Զորում սփռված'
Սրտումս են թաղված.
Դաշույնի նման
Սիրտս մխրճված
Քանդում, ավերում
Ամեն մի վարյրկյան
Էությունս ողջ.
ՈՒրվական դարձած
Հանգիստ չեն տալիս
Թափառ մտքերիս.
Այցի են գալիս
Ինձ ամե´ն գիշեր,
Երբ մենակ եմ ես,
Ես ու իմ հուշեր.
Իմ հյուրն են նրանք
Հյուրը թանգակին.
Նայե´ք դուք ահա
Ա´յ այս փոքրիկին.
Բերնի վայր ընկած
Ջուր է աղերսում
Ձեռքերն ինձ պարզած.
Ջուր են աղերսում
Պապակ շուրթերով,
Տարբեր դեմքերով,
Ահել ու ջահել
Մանկիկներ սևաչ...
Կենդանանում են
Աչքերիս առաջ...
Ձայներն է նրանց
Հնչում ականջիս,
Լսում եմ անվերջ
Փրկության կանչեր
ՈՒ մթության մեջ
Դեմքե՜ր ու դեմքե՜ր...
Դեմքերն իմ ազգի
Նման տեսիլքի
Գալիս են , անցնում
Սիրտս են հոշոտում,
Միտքս են հոշոտում
ՈՒ ամե´ն գիշեր,
ՈՒ ամե´ն գիշեր,
Երբ մենակ եմ ես,
Ես ու իմ հուշեր:
Թաղված իմ գլխում
Հանգիստ չեն տալիս
Թուրքի ձեռքերով
Տանջամահ եղած,
Տեր-Զորում սփռված
Ոսկորներն ազգիս
Սուրբ մասունք դարձած
Գալիս են անցնում,
Կենդանանում են,
Կենդանանում են
Աչքերիս առաջ
Դեմքերն իմ ազգի
Նման տեսիլքի
ՈՒ ամե´ն գիշեր,
ՈՒ ամե´ն գիշեր,
Երբ մենակ եմ ես,
Ես ու իմ հուշեր.
Գալիս են լափում,
Մտքերս են լափում,
Սիրտս են լափում.
Լափում են ամբողջ
Էությունս ողջ...
2005թ
Аватара пользователя
Армине (Автор темы)
Супермодератор
Супермодератор
Информация: Показать детали

Սոնա Արշունեցի

Сообщение:#80  Сообщение Армине » 29 дек 2008, 02:26

ԱՌԱՆՑ ՁԵԶ Ո՞Վ ԵՄ

Ա՜խ իմ խեղճ մտքեր
ՈՒմ եք հարկավոր,
Որ մնացել եք
Թղթիս էջերին
Գամված ու մոլոր
Անտեր որբուկի
Թաղծոտ աչքերով
Աչքերիս նայող
Դուք իմ ծով մտքեր,
Իմ թափառ մտքեր
ՈՒ՞մ եք հարկավոր.
Անթի՜վ վերքերիդ
Դեղ ու ճար արող,
Մտքիդ խորքերը
Քանդող, պրպրտող
Ձեզ հուսադրող,
ՈՒ թևեր տվող
Թեկուզ գովեստի
Բառեր շշնջող
Նախանձ շուրթերից
Չեղավ բարբառող
Իմ լքված մտքեր,
Հուսախաբ մտքեր
Աշխարհի աչքից
Հեռու՜, հեռավո՜ր
ՈՒ՞մ եք հարկավոր.
Այսպես մե՜ն- մենա՜կ
Այս մեծ աշխարհում
ճամփա եք ընկել
Եվ ու՞ր եք գնում,
Ի՞նչ եք որոնում.
Դռներ եք թակում.
Նեղ, փակ դռներից
Մտնել եք փորձում,
ՈՒ վաղու՜ց գոցված,
Բայց չսպիացած
Վերքեր եք քանդում.
Դուք իմ ապստամբ,
Իմ ըմբոստ մտքեր
ՈՒ՞մ եք հարկավոր
Անվերջ մենավոր
Մտքով զորավոր
Կռիվ եք տալիս
Մարդկանց իսկական
Դեմքը բացելիս,
Չարի, խավարի
Ստի, նենգության
Դավաճանության,
Իսկը' խարազան
Իմ արդար մտքեր,
Իմ ցասկոտ մտքեր
Ալեկոծ մտքեր
ՈՒ՞մ եք հարկավոր.
Չքվեք իմ կյանքից
Իսպառ, հավիտյան.
Միք դարձեք հաղորդ
Մութ գիշերներիս,
Անքուն աչքերիս,
Հոգնած կոպերիս
Տառապանքներիս
Միք դարձեք հաղորդ
Ընկեր, մեղսակից
Իմ անսանձ մտքեր,
Իմ ճախրող մտքեր
ՈՒ՞մ եք հարկավոր,
Որ ամեն անգամ
Հլու - հնազանդ
Խոնարհ ծառայի
Հավատարմությամբ
Չեք լքում անձիս
ՈՒ ցասումնալից
Պահերիս անգամ,
Երբ դուրս եմ գալիս
Ես իմ հուներից,
Երբ վարարում եմ
Ափե -ափ զարկում
Բեկորները ձեր,
Իմ առագաստն եք
Դառնում իմ մտքեր
Որ ձեր կուսական
Լազուր ջրերում
Նավարկեմ հզոր
Որ երգն իմ հյուսում
Ծաղկանցը իջնող
Ցողերից շաղոտ
Զեփյուռից մեղմիկ
Հողմերից հեծող
Դուք իմ երկնային
Իմ վայրի մտքեր
Վարարած մտքեր
ՈՒ՞մ եք հարկավոր
Դուք, որ չեք ծնկում,
Լռում, մեղանչում
Քծնում, հարմարվում
Ծառս եք լինում
Անսանձ ձիերի
Խրխինջով վայրի
Խարիսխ եք գցում
Արարատն ի վեր'
Նոյան Տապանի
Կայմից բիբլիական,
Կտրում եք անծիր
Տարածությունը
Բոլոր - բոլոր
Ժամանակների
Անցյալն են կապում
Անհայտ գալիքին
ՈՒ բարձրաձայնում.
Իմ վաղագուշակ,
Թևավոր մտքեր
Իմ անսանձ մտքեր
Ինձ եք հարկավոր,
Իմ արդար մտքեր,
Տառապած մտքեր
Շանթ ու որորի
Հրից դուք ծնված,
Նրանց բոցերում
Թրձված, կոփված.
Ինձ եք հարկավոր,
Իմ ցողաթաթախ
Սրսփուն, անեղծ
Իմ վայրի մտքեր,
Զուլալ ու անկեղծ
Ինձ եք հարկավոր
Դուք իմ մերձավոր
Արդար դատավոր
Աշխարհքի աչքից
Հեռու՜ - հեռա՜վոր
Ինձ եք հարկավոր,
Թեև հանգչում եք
Հոգևվարքի մեջ
Թղթիս էջերին
Լքված, խունացած
Դուք իմ երկնային,
Խելագար մտքեր,
Դուք իմ միակ տեր
Ինձ եք հարկավոր
Մտքեր զորավոր.
Առանց ձեզ ո՞ վ եմ.
Անտեր ու որբ եմ,
Ոտքի տակ ընկած
Քարի կտոր եմ...
Аватара пользователя
Армине (Автор темы)
Супермодератор
Супермодератор
Информация: Показать детали



Вернуться в Բանաստեղծություններ



 


  • Похожие темы
    Комментарии
    Просмотры
    Последнее сообщение