у кого то есть текст песни "Навак"?

Mur-mur
Ануль, текст песни нету, но есть сама песня...если хочешь могу скинуть сссылку

Хочу Ян,я так и не нашла ...

слушай Ануль джан
есть в нашем архиве

хин дискерс кркреци, гта им авакац ергеры Рубен Ахвердяни, лцрел ем мер архив, ереви те кан ира болор ергеры

Люблю...
Шат hетакркир анhат,у шат лав андзнворутюн е,ев парзапес Мецатаров Ергич е...

Զգացեք...

Նորից բացվում է լուսաբացը,
Իմ առաջին ու վերջին սեր,
Երկինքը աչքերիդ պես թաց է,
Ճակատագրից, Ճակատագրից,
Ճակատագրից պոկված նվեր:
Վերջին անգամ ներիր ինձ, Տեր,
Տես, կորցրել եմ քաջությունս,
Իմ թշնամու անունն է սեր,
Բայց նա է հենց, բայց նա է հենց,
Բայց նա է հենց երջանկությունս:
Ես կորցրել եմ ճերմակ ձիս,
Իմ ոսկե տան ժառանգությունը,
Ինչպես ելնեմ այս անտառից,
Երբ կորցրել եմ, երբ կորցրել եմ,
Երբ կորցրել եմ ուղղությունս:
Այս ինչ կախարդ ինձ կախարդեց,
Ո՞վ ինձ նետեց անտակ անդունդը,
Ինձ բաց ծովում մեկը խեղդեց,
Բայց ափ հանեց, բայց ինձ փրկեց,
Բայց ինձ ժպտաց հաջողությունը:
Ես իջեցրել եմ իմ դրոշը,
"Հպարտություն" կոչվող նավից,
Վիճակը իմ խիստ անորոշ է,
Պարտության մեջ եմ, պարտության մեջ եմ,
Պարտության մեջ եմ կամովի:
Ահա իմ փայ երջանկությունը,
Որն ինձ, ավաղ, շուտ կլքի,
Իսկ իմ խղճի հաշվետվությունը
Երգի ձևով, երգի նման,
Երգի թևով կփոխանցվի:
Մի կողմ թողեք դատարկ վեճերը,
Աննպատակ ու անտեղի,
Ես կորցրի մտքիս էջերը,
Եվ ճիշտ հասցեն, և ճիշտ հասցեն,
Եվ ճիշտ հասցեն իմ այս տեղի:
Նորից բացվում է լուսաբացը,
Իմ քաղցր թույն, իմ սրտակեր,
Երկինքը աչքերիդ պես թաց է,
Ճակատագրից, Ճակատագրից,
Ճակատագրից պոկված նվեր...

***
Ես գիտեմ, թե ովքեր են տերերը,
Ում ձեռքից են ուտում էս շները,
Ես գիտեմ...
Ու թեև միշտ էլ կուշտ են տերերը,
Բայց սովից կատաղած են շները,
Եվ հիմա...
Հենց էնպես չեն հաչում էս շները,
Ուշացրել են մի քիչ նրանց կերը.
Ուշացրել...
Կերակրեք, չէ որ դուք եք տերերը,
Որ հանկարծ մեզ չուտեն էս շները,
Կերակրեք...
Վայելեք ձեր համեղ պատառները,
Մնացորդը ուտեն թող շները,
Որ լռեն...
Թե չէ վախն այցելում է գիշերը,
Երբ սովից կատաղած են շները,
Զգուշացեք...
Փակեցեք շատ ամուր ձեր դռները,
Փողոցում թող մնան պոետները,
Եվ մարդիկ,
Ում համար միևնույնն են տերերը,
Եվ հատուկ կատաղացրած շները,
Միևնույն...

***
Երկնքում ճախրող ոստիկաններ,
Ոստիկանատիպ մուրացկաններ,
Ուրվականակերպ անգույն դեմքեր
Ու կերած խմած ուրվականներ:
Բաց ու խուփ անող շատ բերաններ
Ասես ափ նետած անթիվ ձկներ,
Հերթերում պատերազմող ձեռքեր,
Ո՞վ է այս ամենը հնարել:
Սա ինչ հանելուկ է,
Սա շուտասելուկ է,
Չի լսվում ոչ ձայն ոչ պատասխան,
Սա ինչ հանելուկ է,
Սա շուտասելուկ է,
Ո՞վ է տեր Աստվածն ու սատանան:
Սա ինչ հանելուկ է,
Սա շուտասելուկ է,
Չի լսվում ոչ ձայն ոչ պատասխան,
Սա ինչ հանելուկ է,
Սա շուտասելուկ է,
Ո՞վ է տեր Աստվածն ու սատանան:
Որովայնամիտ ու բութ դեմքեր,
Ու անթիվ դատարկ որովաններ,
Բարքերի անկում, անկման բարքեր,
Ու անկման եզրին կանգնած կարգեր:
Կուսականորեն շիկնած լրբեր,
Կուշտ ու կուռ կերած խմած սրբեր,
Դզած ու փչած ու կեղծ կույսեր,
Կույսերից հիասթափված հույսեր:
Սա մի կուսանոց է,
Թե սա ...նոց է,
Ասեք ձայնազուրկ իմաստուններ,
Ուր է անգլուխը` քաղաքագլուխը,
Որն ունի փորի վրա ծալքեր:
Սա մի կուսանոց է,
Թե սա ...նոց է,
Ասեք ձայնազուրկ իմաստուններ,
Ուր է անգլուխը` քաղաքագլուխը,
Որն ունի փորի վրա ծալքեր:
Մտավորական քրեականներ,
Կիսագողական ոստիկաններ,
Գումարի նստած դասախոսներ,
Ու նստած հելած շատախոսներ:
Անգթությունից կոտրած սրտեր,
Ու գթաբաժան առաքյալներ,
Խորհադարանում խորհող այրեր,
Ու նմանատիպ դեպքի վայրեր:
Իսկ կարգին տղերքը`ում ձեռքին է զենքը
Մահվան հետ գիշեր են լուսացնում,
Իսկ ազգի տականքը`մեր ազգի քերանքը
Թալանում է ազգը ու պղծում:
Իսկ կարգին տղերքը`ում ձեռքին է զենքը
Մահվան հետ գիշեր են լուսացնում,
Իսկ ազգի տականքը`մեր ազգի քերանքը
Թալանում է ազգը ու պղծում:
Նախագահական ընտրություններ
Եվ անընտրելի նախագահներ,
Հալումաշ եղած անթիվ ստեր,
Ով է այս ամենը բեմադրել:
Գեներալատիպ մեծ գրողներ,
Գրողի տարած գեներալներ,
Գեներալատիպ նախարարներ
Ու նմանակերպ տարբեր բաներ:
Ովքեր են նստած վերը,
Դրանց տիրու մերը,
Չի լսվում ոչ ձայն, ոչ պատասխան
Որն է իրականը, տերն ու տիրականը
Էս անտերուդուս անտերության:
Ովքեր են նստած վերը,
Դրանց տիրու մերը,
Չի լսվում ոչ ձայն, ոչ պատասխան
Որն է իրականը, տերն ու տիրականը
Էս անտերուդուս անտերության:

Եթե իմանայիր

Եթե իմանայիր, որքան եմ լաց եղել ես,
Քո գնալուց հետո, որքան եմ քեզ փնտրել,
Եթե հավաքեին, իմ բոլոր արցունքները.
Ու սարքերի մի լիճ, ուր լողային աստղերը:
Եթե այնտեղ գային բոլոր սիրահարները,
Ու նրանց պատմեին սիրո մասին աստղերը,
Նրանք կիմանային, որ սերը մի գիշեր է,
Երբ կորչում են աստղերը, կորչում է նաև սերը ...