СТАНЬ VIP

Ռոզա Խաստյան

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Ռոզա Խաստյան

Сообщение rozahastyan » 18 сен 2013, 19:09

ՏԱՐԱԿՈՒՍՈՒՄ ԵՄ

Հոգիս խաղաղ է,
Հանգիստ է օրը:
Օրորի ներքո
Ես մրափում եմ:

Քո կամոք՝ մատիդ
Միակ շարժումից,
Լռում է շուրջս
Ամեն ինչ նորից:

Թեև օրն է պարզ՝թռչուններն լուռ են:
Բողբոջներն՝ անծին:
Լռել է նույնիսկ՝ ձայնը հոպոպի:
Աստղերը՝ կետեր են միայն... ծոցում երկնքի:

Չգիտեմ հիմա - տարօրինակ է՝
Կողքիս ես, այստե'ղ,- սովորական է:
Տարակուսում եմ. չկա' ներշնչանք:
Բառերի՝ կորած զգացմունք, երազանք:

Արթնացրո'ւ դու ինձ և բացատրի'ր,
Ես քեզ երբևէ՜ սիրե՞լ եմ:
Թե՞
Զգացմունքը իմ՝ գերագնահատե՜լ եմ...

Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 19 сен 2013, 18:47

ՃԱՆՓԱՆԵՐ
Ու չե'ն երևում կետերը վերջին
Ո'չ ճամփաների, ո'չ կածանների,
Կորան դեմքերը հայելու միջից,
Կեղծի՜ք է եղել լույսն իրականի:

Կրկին ձնաբուք, կրկին՝ հեռուներ,
Ու կրկին եկան հյուրերն անհաճո,
Սառեցին գլխիդ սպիտակ մալանչներ,
Կամ ծաղիկները՝ շիրիմիդ ներքո:

Ու չգոռա'ս, չկանչե'ս, չփնտրե'ս,
Ախ, միևնույն է, դու չե'ս գտնելու,
Չէ', չկա' աշխարհում ոչ մի սեր,
Բացի այն, որ Աստված է տալու:

Քայլ արա', հեռացի՜ր անդունդից,
Աղոթքներդ՝ հղիր առ Աստված,
Միևնույն է. գտել ես վերջին
Հանգրվանդ՝ մարդոց մեջ սառած...
Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 20 сен 2013, 01:23

ԸՍՏ ԷՅՆՇՏԵՅՆԻ

Հարաբերական է
Ամեն ինչ կյանքում,
Հասարակ
Ու բարդ:
Մեկը կարևոր է
Այնքանով,
Որքան մյուսը՝
Ոչնչությունով:

Ռ.Խաստյան

Sergio это нравится.
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 20 сен 2013, 12:48

ՓՈԽՎԵԼ ԵՄ

Հոգեբանաան ճնշումն այլևս
Չի' ազդի իմ կոփված սրտի վրա:
Գունագեղ լեզուդ՝ առավել ևս,
Ինձ էլ չի' խաբի, երկինքը վկա:

Ամենաամուր ապառաժի պես
Պնդացել է իմ ներքին աշխարհը,
Ամենակարծր ադամանդն եմ ես,
Որ ինքն է ընտրել իր ճանապարհը:

Նախկի'ն սիրելի՜, չփորձե'ս, հանկարծ,
Ըստ սովորության՝ խորամանկել ինձ,
Ես ցեխերի մեջ տեսել եմ բազմած
Գահընկեց եղած թագավորների:

Եվ լավ կլինի, որ էլ չխաչվեն
Երկուսիս ընտրած ճանապարհները,
Ու ել երբե'ք էլ իրար չբախվեն
Երբեմնի սիրող՝ մեր հայացքները:

Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 21 сен 2013, 16:01

ԱՆՊԱՏԱՍԽԱՆ ՀԱՐՑ

Երևի արդեն հոգնել եմ,
Օրը նույնն է, ինչ՝ երեկ,
Նույնը կրկնելուց զզվել եմ,
Վայ թե՝
Փոխել ալարեմ:

Անձրևի տեղ՝ արցունք եղավ,
Ութոտնուկ է կարոտն իմ:
Հարցդ անժամանակ եկավ.
Կյա՞նք է սա:
Եսի՜մ, եսի՜մ...
-----------------------
Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 21 сен 2013, 17:58

ԼՈՒԾ
Լույսը ծեգի
Ճանկռտեց մի գիծ
Իմ զնդանին...
Գորշ բամբակն իմ անմտության
Փափկորեն խեղդում է երազանքն իմ:
Եռուզեռի մեջ եմ ընկղմվում,
Կարծես չկամ էլ այս աշխարհում:

Երջանիկ վաղվա դառնություն...
Ամբողջովին դեպի դատարկություն...
Մեղսունակ եմ ես և մեղավոր եմ,
Ձեռքբերումներս՝ իմ կորուստնե՜րն են...
Արճճե զինվորն եմ ես, որ ցցվել
Ու այրվող կամրջին է կանգնել,
Եվ անիծում եմ ինձ, և փորձում եմ օրհնել...

Խի'ղճ, հեռու' ինձանից:
Անկեղծ լինել՝ մի' պահանջի'ր:
Ինչպես միշտ, քի՜չ է իմ խելքը,
Ու՞ր է մեղքից՝ սրբություն, ելքը...
Ու՞ր է պարզությունն իմ...
Ինչպես միշտ, օր-օրի
Աճում է դատարկությունն իմ...

Դոդոշ եմ ես, ո'չ արքայադուստր:
Համակերպվելով՝ գնում եմ փոխանակելու հացի հետ
Լծի տակ վաստակած գրոշն իմ...
Ետևում մնաց ևս մի օր իմ անպետք կյանքից...

Ռ. Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 25 сен 2013, 12:25

ՀԻՇՈՂՈՒԹՅՈՒՆ

Լռության ձայնը մտքերս է խառնում...
Հոգնել է սիրտս, ծպտված՝ գիշերում:
Քշում եմ քունս. քունն ի՞նչ եմ անում,
Իմ սին անցյալն է ինձ նորից հուզում:

Անցյալի հուշը՝ ոսկեզօծ փոշի,
Նստած ծամերիս՝ անգույն ու սպիտակ...
Ոտքերիս առջև՝ ծեծված ապակի,
Արնոտվում է արդ... կյանքս շարունակ:
Ռ.Խաստյան

ЮджиннА это нравится.
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 25 сен 2013, 18:54

ԱՄՌԱՆՆ ԸՆԴԱՋ

Բացվել եմ ես
Հորդ սիրավեպի
Թռիչքին
Ընդառաջ,
Կերպարվեստի
Գունագեղ գրկում-
Գալարումներում
Նրբերանգների
Եվ իմ մտքերի
Թյուրիմացության մեջ-
Հառնել հեռուն՝
Սարդոստայնի միջով,
Անձրևի տեսքով՝ վերադառնալ,
Ամպ դառնալ՝ մշուշի-
Զմրուխտի ուլունքներ
Թափել՝ հեռուներին,
Շիթերին՝ շիկացած
Թափվել
Եվ ծիածանի կաթիլնել
Գցել հողին-
Ժպիտով խենթացնել
Աստղերին,
Ադամանդի փայլով
Հենց իրե'նց էլ՝ անդրադարձնել:

Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 25 сен 2013, 19:50

ԱՎԵԼԱՑՐՈՒ' ԱՉՔԵՐԻՍ ՓԱՅԼԸ

Հրաշագործ և ո'չ մի կաթիլ ետ չի' դարձնելու աչքերիս փայլը...
Վերածննդի համար իմ Հոգու՝ կանթեղված ածխակայծ եմ պահել...
Լքում է սերը... Չնայած՝ մարել է նաև այլ զքացմունքաց ձայնը...
Մի' հապաղիր, սիրելի՜ս, իմ կյանքի խառույկը վառել...
Ռ.Խաստյան
Аватара пользователя
rozahastyan (Автор темы)
Посетитель
Посетитель

Ռոզա Խաստյան

Сообщение rozahastyan » 26 сен 2013, 14:33

Ի՞ՆՉ ՏԱՆԵՍ ՔԵԶ ՀԵՏ

Ամենն աշխարհում ունայն է ու սին,
Ուժդ այս կյանքում տուր միայն խելքի՜դ,
Մտածի'ր. ինչե'ր ու ինչպե՞ս անես,
Որ հետդ միայն դագաղ չտանե'ս:

Ուրիշ ի՞նչ տանես,- այս է խնդիրը,
Այն մի աշխարհում ինչե՞րն են հարգի,
Անունդ անգամ թողնում ես այստե'ղ,
Ո'չ ու փու'չ աշխարհ, (արի, մի' տխրի...)
Ռ.Խաստյան
Аватара пользователя
rozahastyan (Автор темы)
Посетитель
Посетитель



Вернуться в Բանաստեղծություններ



Активность

Сейчас этот форум просматривают: CCBot, Google [Bot] и гости: 0

⇑ Наверх
⇓ Вниз