***
Անհույս ապրողը անհույս է մեռնում,
Իսկ հույսը մահ է բերում սովածին:
Հույսդ կորցրու, լույսդ թող եռուն՝
Լույսով են գտնում մթնում կորածին:

***
Այնպե՜ս սիրել,այնքա՜ն սիրել՝ տրփանքով համառ,
Կրքով ալեծուփ, սիրով կենսալի ու վայելչափառ,
Այնպե՜ս սիրել,այնքա՜ն սիրել, գգվանքով անդուլ,
Որ ոչ ուժ մնա, ոչ էլ՝ ժամանակ, ատելու համար:

***
Անպերն ի վեր,սարերն ի վեր,
Լույս է բացվում կախարդական,
ՈՒ այդ լույսից ներս է մտնում,
Հրեշտակները պահապան:

***
Վաղ է բռընկել իմ այգին,
Վառ է բռընկել իմ այգին,
Սակայն եթե դու չկաս՝
Զո՜ւր է բռընկել իմ այգին։