ДЛЯ ПРАВИЛЬНОЙ РАБОТЫ САЙТА ОТКЛЮЧИТЕ БЛОКИРОВКУ РЕКЛАМЫ

Նաիրա Սիմոնյան

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Նաիրա Սիմոնյան

Сообщение:#1  Сообщение Harutin » 19 июн 2011, 10:39

Նաիրա Սիմոնյան

Naira Simonyan.jpg
Naira Simonyan.jpg (5.9 кб) Просмотров: 302


Ծնվել է 1971թվին, Վրաստանի Հեշտիա գյուղում: Ավարտել է նույն գյուղի միջնակարգ դպրոցը և 1987 թվին, ուսանել Երևանի Խ.Աբովյանի անվան մանկավարժական ինստիտուտի «Հայոց լեզվի և գրականության» ֆակուլտետում:
Տպագրվել է Երևանի «Պիոներ »ամսագրում , Նինոծմինդայի «Արշալույս» օրաթերթում, Թբիլիսիի «Պիոներ» ամսագրում, «Վիրահայ ուսանող» հանդեսում:
Հրատարակել է երկու գիրք՝ «Ասուպի ցոլք» (1997թ.) և «Ես արքայադուստրը չեմ կյանքի» (2004թ) խորագրերով (Երևան, «Նաիրի» հրատարակչություն):
Բնակվում է Ռուսաստանի Դաշնության Տյումենի մարզի Սուրգութ քաղաքում:
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#2  Сообщение Harutin » 19 июн 2011, 10:40

***
Լույսով օրհնվեց ,
կենաց վճիռը,
ես կորզեցի կյանքս
մորս արգանդում,
բեղմնաբջիջս էր
անշուշտ զորեղը,
բայց սիրածարա՜վ,
հար սիրատոչո՜ր,
եկավ ,կարգադրեց
դեռևս այնտեղ,
ես հիմա համեստ ,
հլու պարտատու՝
հասանելիքս
տիրակայելու
արժանավայել:
Աշխա՜րհ, սիրի՜ր ինձ
քո՛ մատիկներով,
քո բի՛րտ մատներով
շոշափի՜ր անձս,
շուրթս համբուրիր
քո՛ շրթունքներով,
ու ատամներով
կրծի՛ր շուրթերս...
մի քայլի մեջ է
սահմանումը կյանքիս,
ես ինձ վերհանող
ուժն եմ քչփորում,
որ բացեմ թնջուկն
իմ լինելության :
Ինձ համարում են
կյանքում երջանիկ,
ու ես հանց կարապ՝
ճերմակ լճակին,
ինքնագո՜հ, վստա՜հ,
կրքոտ խաղերով
գոհունակորեն՝
հետախուզեցի
արտացոլանքս՝
(Ծիծաղելի է ,բայց
թե ինչ արած ,
ինձ ավելի՛ լավ
ի՛նքս եմ ճանաչում):
այն ինչ, որ գտա
տվեցի թղթին,
մնացածն՝ երազ ՝
իմ բաց աչքերին...
փոքր անց ու հետո
պիտի գա Տերը ՝
հրովարտակով ՝
ի հակառակը
իմ ցանկալիի.
«Վերադարձրո՛ւ այն,
ինչը վերցրեցիր»,
բարձրյալ է քանզի ,
կամքը կատարելի ,
սեռիս ոգեշունչ,
կայծերիս քամի
արի սկսված խաղը
շիկացնենք.
հրաշքներ թե կան՝
այդ ե՛ս եմ `նայի՜ր,
թե կան երազներ՝
աչքերդ փակիր,
ու՞մ անձը հագավ
հոգիս լուսաթև,
հրեշտա՞կ է, հա՞,
ես եմ `սաղմոսի՜ր,
սատանա՞ն եկավ՝
լուռ ընկերակցիր,
ե՜ս եմ ,այդ ե՜ս եմ
տեսիլն աչքերիդ,
ես՝ երջանիկս,
կյանքից ապտակված,
նրանով գերված,
դիմակախաղում
դեմքս շփոթած
մունջ տարագիրս,
գոյի հավաստիքն
սերն է միմիայն,
ինձ սիրիր անզուսպ
որ ճշմարտանամ...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#3  Сообщение Harutin » 19 июн 2011, 10:40

***
Իմ պատմությունը
չունի ավարտ,
ինչպես ժամանակը
հանուր տիեզերքում,
մասնիկն եմ եղել,
ամբողջը կազմող
այս տիեզերական
անծիր պատմության՝
ինձ միշտ կրել է
տիեզերքն իր մեջ՝
դարերով տարել,
նրանում պահել,
հերքել է նույնիսկ
ու ճշմարտացրել:
Լու՜յս եղելությանը,
կենսական լույսով
իմ պատմության :
Օրհնված եմ Տեր,
որ առաքեցիր
խումար կացությամբ՝
գլուխս լցրած
գինին Էրոսի՝
օդի պես մի բան
լինելությունս ,
ռունգս արբենա,
աչքս չգտնի,
բայց ապավինած
մի նեցուկ մտքի
ինձ միշտ քնքշորեն
անուշ փայփայող
Տեր իրա՞վ է որ,
եղա քո դեմքով...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#4  Сообщение Harutin » 19 июн 2011, 10:40

Մենախոսություն անհայտ շիրմի մոտ

Ձյու՜ն,ձյու՜ն ու հողմ է
ձմեռն այս տարի,
շա՜տ է խորաշունչ
տանուլ եմ տվել
օրերիս մեծ փունջն:
Քաղաքի այգու
փարթամ եղևնին
ճյուղերն է կախել՝
հոգնաբեկորեն,
ու խոնարհվել է՝
գրկած մի շիրիմ:
(Օ՜, ինչ ջանքով է
հոգում եղևնին):
Քնի՜ր բարեկամ,
հոգ չէ արդեն քեզ,
որ ձմեռն այս տարի
շա՜տ խորաշունչ է,
որ տանուլ տվածս՝
անողոք մունջ է,
որ ես հաշիվս
խախտեցի էլի,
որ լույսի ակը
հեռու է ավելի,
որ այս թնջուկը
դասդասել չեղավ,
որ ահա կենաց
երեկոն եկավ,
որ... ինձ թվում է՝
իր անագորույն
ընտրությամբ վերին,
վերատրվել է
կյանքս վերստին,
իսկ դու ծանոթ ես
արդին ու անդին,
հուշի՛ր բարեկամ,
կրկին ապրեմ այն ,
այս անգամ հասած...
կենաց կորիզի
ընդերք ու ակին:
Հյուսիսի ձմեռ
շա՜տ խորաշունչ ես
եկել այս տարի,
քաղաքի այգում
ես եմ գլխահակ,
անհյտ մի շիրիմ,
ու կախ ճյուղերով
այս մեծ եղևնին...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#5  Сообщение Harutin » 19 июн 2011, 10:40

***
Հանապազ օրվա
Փակ կուլիսներում
կյանքս երազ է,
փութացող պատրանք,
աստղալույսը հանց՝
գոյս իրական,
ինքս շա՜տ հեռու,
աչքերին անհաս,
վառվում եմ թեև,
բայց չեմ երևում ,
անծիր տիեզերքի
հոծ աստղաբույլում :
Մշտապես մենակ,
հար անապաստան,
եվ անագորույն
վճռայնությամբ,
դեռ շաղախվելով
ընդերքիս ահեղ
պայթյունի բոցում,
ես դուրս եմ գալիս
ունկդրելու իմ
կերպափոխումը՝
նյութեղից ոգեղ ,
ոգեղից հոգեղ,
լույսից՝ մութ նաև
գույնից երանգներ :
Ինձ ներշնչում է
ամեն մի շշուկ,
ամեն ստվերի
դեմքն եմ ես գտնում,
ու զարմանու՜մ եմ
հավատի՛ս վրա ,
ու հավատու՜մ եմ
զարմանքս նյութեղ
դարձնող Աստծուն...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#6  Сообщение Harutin » 19 июн 2011, 10:40

***
Արյանս գույնով
բառերն են ներկում
ճերմակ թերթերը,
միտքս զենիթում
հրահանգիչ է՝
կռահել գիտի,
ճչու՜ն է դեղինն
այրվող արևի ,
սփրթնած պահերս՝
գույնով իմ ներկի:
Տողերիս տակ կա
տրոփուն մի սիրտ
ու իր զարկերով
շեշտուն ու համառ
առաջնորդում է
ճակատագրիս
անհայտ Ավարայր...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Նաիրա Սիմոնյան

Сообщение:#7  Сообщение Harutin » 19 июн 2011, 10:41

***

Եվ խառնակն այս օրերի,
և թատրոնն այս,որ խաղում եմ
դիմակներով այս բազում,
կենաց կրակն է իմ մեջ,
ու կրքեղ բոցն իմ
մարմնո՜վ է պարում,
և խառնակն այս օրերի,
և կորուստներս ,որ չունեցան լրում
ցասումով ցավիս նույնիսկ
Աստծո դեմ են ինձ հանում,
և խառնակն այս օրերի,
և կյանքն այս, հանց մարտի կոչում,
մի ճակատ ունի միայն՝
մահից հայտնություն ,
եվ խառնակն այս օրերի
և սերս այս մեծ առեղծում ,
կենաց ասպետ ,քեզ տրվելու է
միայն արարման քո ջերմ անկողնում:
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали



Вернуться в Բանաստեղծություններ



 


  • Похожие темы
    Комментарии
    Просмотры
    Последнее сообщение

Активность

Сейчас этот форум просматривают: нет зарегистрированных пользователей и гости: 9


⇑ Наверх
⇓ Вниз