ДЛЯ ПРАВИЛЬНОЙ РАБОТЫ САЙТА ОТКЛЮЧИТЕ БЛОКИРОВКУ РЕКЛАМЫ

Մելինա Նազարյան (Մելանի)

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Մելինա Նազարյան (Մելանի)

Сообщение:#1  Сообщение Harutin » 30 июн 2011, 20:08

Մելինա Նազարյան (Մելանի)

Melina Nazaryan Melani.jpg
Melina Nazaryan Melani.jpg (5.82 кб) Просмотров: 233


Ծնվել է 1977 թվին Թեհրանում: Փոքր տարիքում ընտանիքի հետ փոխադրվել ու մինչ օրս հաստատվել է Թավրիզում: Միջնակարգ կրթությունը ստացել է տեղի Թամարյան (Ասադի) հայոց ազգային դպրոցի, ըստ բանաստեղծուհու՝ ջերմ ու մտերմիկ մթնոլորտում: Ապա ավարտելով բարձրագույնը՝ մասնագիտացել է անգլերեն լեզվի մեջ:
Սկսել է գրել պատանի հասակից: 2002 թվին, մասնակցել է Պոեզիայի Համաշխարհային Գրադարանի (The International Library of Poetry) կողմից կազմակերպված մրցություններին՝ անգլերեն լեզվով գրած մի բանաստեղծությամբ, որը արժանանալով հիշատակության՝ տպագրվել է ԱՄՆ-ում` նույն կազմակերպության 2002 թվի տարեգրքի մեջ: Իսկ 2007 թվին հրատարկվել է իր՝ «Ախ, այս ճամբան թող վերջ չգա» բանաստեղծությունների անդրանիկ ժողովածուն (Նայիրի Հրատարակչություն, Թեհրան):
Կարոտավառ սիրո ու կորսված երջանկության, լույսի ու հավատքի, մարդկայնության ու անկեղծության, արդարատենչության ու հայրենասիրության թրթիռներով են տոգորված երիտասարդ բանաստեղծուհու յուրաքանչյուր տողը։
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Մելինա Նազարյան (Մելանի)

Сообщение:#2  Сообщение Harutin » 30 июн 2011, 20:08

***
Ո՞ւր ես արեգակ,
Որ սիրտս բանամ,
Շողերիդ գրկում
Հալվեն հույզերը երազանքներիս.
Որ ես խենթանամ,
Անհոգ սավառնեմ
Բարձրունքներում վես.
Մոռանամ հավերժ
Իմ էությունը...
Որ ես մոխրանամ
Աչքերիդ անմար կայծերի բոցից.
Թող ինձ ողողի
Անձրևը վարար,
Եվ ինձ ուղեկցեն
Սիրո աստղերը,
Ու ես հեռանամ,
Ճախրեմ դեպի քեզ՝
Դեպի վաղեմի իմ երջանկության
Դարպասները փակ...
Ո՞ւր ես արեգակ...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Մելինա Նազարյան (Մելանի)

Сообщение:#3  Сообщение Harutin » 30 июн 2011, 20:09

***
Կուզեի այնպես նորից տեսնել քեզ,
Թեկուզ դա լիներ վերջինը մեր բյուր հանդիպումներից...
Կուզեի կյանքի հոսքը հրաշքով
Ետ դառնար հանկարծ
Ու ես վերստին
Սրտատրոփ, զվարթ
Սպասեի քեզ անամպ գիշերին,
Ուր առկայծումը բազում աստղերի
Արտացոլվում էր սիրուց վետվետող աչքերիս ծովում
Ու ոսկե անձրև մաղում սրտիս մեջ...
... Հառնում ես նորից քո ողջ հմայքով
Ու սրտիս դուռն ես բախում կարոտով...,
Մտաբերում եմ օրերն այն պերճ,
Երբ ճամփաներն էին մեր խաչաձևում.
Տենչում էինք սեր, մղվում իրար գիրկ՝
Զգալով հանդերձ, որ չկա... ավարտ:
Բայց ի՞նչ փույթ՝
Անվերջ սերն էր թևածում աչքերիդ խորքում,
Սիրով առլեցուն խոսքերիդ մեջ ջերմ ՝
Վանելով մեգը պահերիս անհույս՝
Մեր գլխին կախված
Սև ուրվականը բաժանումի բիրտ...
Տեսնում եմ նորից
Ժպիտը քո վառ,
Եվ զգում մարմնիս ողջ բջիջներով
Քո գրկի այրող ջերմությունը բորբ,
Որի մեջ հավերժ երազում էի
Մարել,
Մոխրանալ...
Կուզեի կյանքի հոսքը հրաշքով
Ետ դառնար նորից
Ու ես վերացած հանգչէի ամուր բազուկներիդ մեջ...
Կուզեի լսել քո ձայնը նորից
Ոչ թե անցյալի թունելի խորքից,
Այլ քո շրթերից.
Եվ նորից, նորից
Շնչահեղձ դառնալ համբույրիդ հևքից՝
Թեկուզ լիներ դա թող վերջին անգամ...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

Մելինա Նազարյան (Մելանի)

Сообщение:#4  Сообщение Harutin » 30 июн 2011, 20:09

***
Հեռացար անդարձ իմ հորիզոնից.
Ես ընկա գիրկը անհույս մենության,
Ունայնությունը պարուրեց հոգիս
Հիասթափ, ցավոտ...
Հեռացար անդարձ,
Չքացան հանկարծ բարձրունքները վես,
Ուր ճախրում էինք անհոգ ու հպարտ...
Կյանքի ընթացքը կանգ առավ ասես,
Ամեն- ամեն բան թվաց անհեթեթ՝
Ե՛վ մղումը խենթ իրար հասնելու,
Ե՛վ երգերն սիրո,
Համբույրները ջերմ
Մեր սիրո վկա գիշերներին լուռ...
Մութ գիշերներին,
Որ աղոտանում, նահանջում էին
Քո վառ հայացքի կայծերի առջև,
Իսկ հիմա՞,
Հիմա քմծիծաղում են չարախինդ ու սև՝
Դաշինք կռելով անքնության հետ...
Հեռացար անդարձ.
Մոլեգնած սիրտս հանդարտվեց, լռեց...
Օ՛, ո՛չ, չեմ գտնում որևե իմաստ
Այսպես լինելու,
Թե՞ չլինելու քեզանից հետո...
Քեզանից հետո...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали



Вернуться в Բանաստեղծություններ



Активность

Сейчас этот форум просматривают: нет зарегистрированных пользователей и гости: 4


⇑ Наверх
⇓ Вниз