СТАНЬ VIP

Մարո Երկնափեշյան

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Մարո Երկնափեշյան

Сообщение Կարինե Կարինե » 12 мар 2019, 19:25

Իմ գյուղի կաս- կարմիր արևը,
Եղինջոտ գարունը՝ համով,
Ջան -ջիգյարն ու քաղցր բարևը
Եվ երկա՜ր օրհնանքը՝ ծանոթ․․․

Իմ գյուղի ծննդկան երկինքը,
Աստղերը՝ ծոցիս մեջ գգվող,
Հարազատ աշխարհի երկունքը
Եվ կլոր կոնքերը ճկվող․․․

Իմ գյուղի անտերտեր աղոթքը,
Մշակը՝ եզան հետ լծվող,
Ցելի մեջ դեռ խրված իմ ոտքը,
Քրտինքս՝ հողի մեջ ծծվող․․․

Իմ գյուղի հանաքն ու շիտակը,
Ցամաքած պռունկը իր գետի,
Հեղեղած՝ իմ հոգու անտակը
Հատակից՝ այսօրվա ,,հե՜յ- գիդին,,․․
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 14 мар 2019, 12:13

* * *

Քո աչքերի մեջ
Իմ թռիչքները գուցե չկային,
Բայց մի հայացքից
Թևս կբացվե՜ր․․․
Եթե կանչեիր ,
Հաստատ կգայի
Երկնքից խռով
Հրեշտակի պես...

Շա՜տ սպասեցի,
Լռութան դիմաց
Դուռս ճռռալով
Տարուբերեցի,
Կանացի բոլոր
Մեղքերը քնած
Զարթնեցին թեպետ,
Սակայն ներեցին...

Բայց ոչ կանչեցիր,
Ոչ էլ դու եկար,
Հիմա ուր նայես
Թախիծ է կպչուն,
Որ քո ամպերում
Չմնաց երկար,
Վերջին թևաբեկ
Հրեշտակի չուն...

14 մարտի
2017
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 16 мар 2019, 12:01

Քո հացի մեջ էլ
Աղ չկար, ախպերս,
Արտասուքով հունցած
Հայու հաց էր,
Քանզի արդարութուն
Ծնող մերը
Արնոտ լաչակ կապած
Մի բոզ քած է․․․

Ծածկել է երեսը՝
Քամակը բաց արած,
Ով հասնում ճմթում է
Ազդրերը՝ դյուրին․․․
Որ հիմա, առանց քեզ,
Ասում ենք շվարած՝
Հացի հետ միշտ հիշենք
Հաց Բերող Աթուրին․․․
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 16 мар 2019, 18:26

Ո՞նց եմ այսուհետ
Սեղան նստելով,
Հանգիստ ծամելու
Պատառը հացի
Եվ ատամիս տակ
Խիղճս սաստելով,
Ո՞նց եմ նայելու
Երկիր, քո լացին․․․

Չէ, էլ նշխարք չէ,
Կամ՝ հաղորդություն,
Հացիս արյունն է
Հաց արարողի,
Ես ինքս ինձնից
Առա խորթություն,
Թե արժանի չեմ,
Երկիր, քո հողին․․․

Եվ արդարության
Թշերին՝ շիկնած,
Հաց եմ կպցնում,
Պեծերը՝ կողին,
Որ չհամարեք
Դեռ, պաքարն՝ ընկած,
Փոխարինում եմ
Ես Հաց Բերողին․․
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 22 мар 2019, 14:33

* * *
Միտք էր ,ծնվեց,
Բարուրեցի,
Տաք ու քնքուշ
Պարուրեցի,
Գուրգուրեցի,
Փայփայեցի,
Չոռ ու ցավից
Պաշտպանեցի․․․
Ծոցիս դրի,
Քիչ մեծացավ ,
Ծնկիս ,ուսիս
Թրփոշացավ,
Հագուկապով
Զուգի թեթև
Ու մարդամեջ
Ելանք թև-թև ․․․
Մեկը ճերմակ
Թուշը շոյեց,
Մեկը կճատ
Քիթը գովեց,
Մեկը կանչեց
Ու տարավ տուն,
Մինչև ծեսով
Տվի մարդու․․
Հիմա գնա՞մ
Գլուխլվա․
Վախենամ, որ
Դուրսը մնամ,
Վախենամ,
Որ չեն հավանել,
Իրենց կարգին
Չի դավանել․․․
Նազուկ պահած
Մի երեխա,
Գոմ ու ախո՞ռ․․
Էդ ի՞նչ տեղ ա․․․
Ասի՝ ափսո՜ս․․․
Ասի՝ մեղա՜․․․
Հո թալան չի՞
Էդպես չեղավ․․.
Անտեր հո չի,
Գնամ բերեմ,
Մարդ է, խոզ չի․․․
Ախր մեր եմ․․․
Բայց չգտա,
Աղի -մաղի,
Կորցրեցի
Տնով, սաղին․․․
Մինչև եկավ
Գուշակ գնչուն,
Ասավ՝ զուր ես
Փնտրում, ինչու՞,
Տես, երկնքի
Երամի չուն,․
Դարձել է նա
Ճախրող թռչուն…
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 22 мар 2019, 14:35

* * *
ՔՆԱԹԱԹԱԽ ՀԵՔԻԱԹ

Յոթ գլխանի դև է
Սա, արնածուծ հրեշ,
Պոչը պատ է տվել,
Երկիր, ու խեղդում է,
Երախները բաց են՝
Մեկ-մեկուց գեշ,
Հուր կրակի միջով
Մեզ հեղձում է․․․

Ես ինչ անեմ հիմա,
Թե որ հնար չեղավ,
Դանակն առնեմ, կուլ տա,
Հանց հեքիաթում,
Ինչպես թագավորի
Աղջիկ դարձած տղան՝
Պատռեմ հսկա փորը՝
Ակնթարթում․․․

Երկիր, քեզ ազատեմ
Լծից երկարատև,
Բացվի աղբյուրներիդ
Առատ հոսքը,
Որ մարմինդ գրկած ՝
Տա լույսի թև,
Արդարության, սիրո
Արևաբեր հոսքը․․․

Ու հեքիաթի վերջում ՝
Այս իրական,
Խնձորաթափ լինի
Արտամետի,
Մեզ, բոլորիս հասնի
Թե՝ մեկական,
Մնացածը թողնենք
Հավերժության գետին․․․

ՄԱՐՈ ԵՐԿՆԱՓԵՇՅԱՆ
19 մարտի 2017
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 22 мар 2019, 14:36

* * *
Ում ներսից
Մի պստիկ կայծ կպչի,
Թող վերցնի
Ու փողոց դուրս գա,
Չոր մարխն իր
Թե մարխիս դիպչի,
Իմացեք,
Խանձահոտ կգա․․․

Ու պեծ-պեծ
Կրակ կառնեն
Խռոված սրտերը
Մեր՝ բոսոր,
Ում հացը
Որ մահու չափ դառն է,
Թող փողոց
Ելնի հենց այսօր․․․

17 մարտի
2017
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 24 мар 2019, 23:58

***
Ո՞վ գիտի՝
Ի՞նչ է մտածել աստված
Ինձ ստեղծելիս.
Հոգնե՞լ է, ննջե՞լ,
Թե՞ առանձնապես
Արարիչն ասված
Իմիջիայլոց է
Կողերս փնջել...

Ու ձեռքի հետ էլ
Կավս է ձևել,
Ինչպես չմերսված
Քերուկը` պատի,
Տաշտից պոկելով՝
Քուրան է նետել,
Որ հետո կյանքս
Զնգոցով դատի...

Դրա համար է,
Ախ հա, երևի,
Ներսս դեռ մոխիր,
Ու կրակը՝ շեջ,
Մի բերնի հուր էլ
Փչի վերևից՝
Խնկամանս հին
Լցվում է տաք շեղջ…
2016
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 30 мар 2019, 14:05

* * *
Ինքս իմ հունով
Թե ետ եմ հոսում,
Չեմ ջրվեժելու ,
Ո՞նց բարձրանամ լեռ,
Իմ ցավի մասին
Ոչինչ չեմ խոսում,
Կարող են փլվել
Քարափները ժեռ...

Փորձում եմ լինել
Ինձնից ավելին,
Պարզելով հոսել,
Չմնալ փոսում,
Թե ցամաքելով
Ծավալվեմ էլի,
Ուրեմն գտեք
Մի տեղ` ակոսում...

Կողքս քարերին
Քսելով հաշվում՝
Մինչ այգի հասնեմ
Էլ բան չի մնա,
Եվ հունս նետած
Ճիմերն եմ մաշում,
Եվ խորն եմ քաշվում,
Որ մարդ չիմանա...

Նայեք հայելուս,
Ինչ տեսաք այն եմ,
Մամուռ եմ, խիճ եմ,
Բայց տիղմ չեմ հանում,
Ինչ որ տեղ կորած
Այն խղճի ձայնն եմ,
Որ թեև հիվանդ,
Բայց չի մահանում...

Ես գիտեմ մի տեղ,
Որ նաև ձերն եմ,
Աղբյուր ու առու,
Թե՝ գետ եմ վարար,
Մոտիկ, շա՜տ մոտիկ
Այն վճիտ սերն եմ
Որին փնտրում է
Աշխարհը արար...

4 փետրվարի
2017
Аватара пользователя
Կարինե Կարինե (Автор темы)
Уважаемый посетитель
Уважаемый посетитель

Մարո Երկնափեշյան

Сообщение Կարինե Կարինե » 31 мар 2019, 23:47

Հիմա ես հարս կունենայի,
Թոռներ ՝չալուչուլ,
Աղջիկս էլ կին կլիներ
Ու ,գուցե՝ ծոցվոր․․․

Հազար տեղից խեղված կյանքս,
Իմաստ կունենար,
Կենաց ծառի հատած քոքին,
Շիվս կմնար․․․

Մարդս կգար՝ հոգնած- ջարդված,
Կընկներ բազմոցին,
Տրտնջալով հացին, նեղված
Կպատմեր գործից․․․

Հարսս, խելոք, սիրտ շահելու
Փորձով կանացի,
Կասեր՝ պապ ջա՞ն , շատ մի նեղվիր,
Սուրճ խմիր, կանցնի․․․

Իմ անունով, տոտերը բաց,
Թոռս կվազեր,
-Պապի՜, գոգիդ որ գամ նստեմ ,
Հեքիաթներ կասե՞ս․․․

Մեջքին կառներ, տնովը մեկ
Պապը ման կտար,
Թոռս կասեր՝ տատի, տեսա՞ր
Ինչ լավ ձի գտա․․․

-Հայրի՛կ , դրան երես չտաս․․․-
Հարսս կնեղվեր,
-Իմ արևն է, բան չկա, հարս,
Հոգսի՛ց քիչ շեղվենք․․․

Կամ կլիներ,կամ չէր լինի ,
Էսպիսի մի պահ,
Եթե մնար մահը մեզնից
Մի քիչ ձեռնպահ․․․

Խելացնոր միտք էր, եկավ ,
Մեխվեց ու մնաց,
Ո՞վ կիմանա, էս ճակատիս
Է՛լ ինչ կա գրված․․
Аватара пользователя
Կարինե Կարինե (Автор темы)
Уважаемый посетитель
Уважаемый посетитель



Вернуться в Բանաստեղծություններ



Активность

Сейчас этот форум просматривают: CCBot и гости: 4


⇑ Наверх
⇓ Вниз