Ռուբեն Հախվերդյան «ԿԱՊԻԿ»

Պիկ-պիկի-պիկ, այ կապիկ,

Հագել ես ալ շապիկ,

Կապել ես շալ գոտիկ,

Կանգնել ես ոտի:


Մին վեր-վեր կցատկես,

Մին էլ՝ սուտ կսատկես,

Մին կելնես կուզեկուզ,

Դես պուպուզ, դեն պուպուզ:

Ռուբեն Հախվերդյան «Ծափիկ, ծափիկ ծիրանի»

Ծափիկ, ծափիկ ծիրանի,

Հովը թել-թել կտանի

Իմ սիրունիկ բալիկի

Ոսկեթել մազիկները:


Փսուսավոր աղավնի

Վառ-վառ վարդի նմանի.

Ձյունից ճերմակ մատիկներ

Կուզեն ոսկե մատանի:

Ռուբեն Հախվերդյան «Լորիկ»

Առավոտից փչեց հով,

Արտը ծփաց, դարձավ ծով-

Արտի միջից թռավ լոր,

Թռավ, ընկավ սար ու ձոր:

Կրկներգ.

Կլորիկ-գլորիկ այ լորիկ,

Օլոր-մոլոր շորորիկ:


Լորիկ-լորիկ էս տարի

Արտս արել եմ գարի-

Ուր որ գնաս, շուտ արի,

Արտիս միջին ծվարի:

Կրկներգ.

Կլորիկ-գլորիկ այ լորիկ,

Օլոր-մոլոր շորորիկ:

Ռուբեն Հախվերդյան « Իմ փոքրիկ նավակ»

Պատրաստեց փոքրիկ տղան

Մի ճերմակ թղթե նավակ,

Իջեցրեց նավակը նա

Գետակի ալքիների վրա:

Կրկներգ.

Իմ փոքրիկ նավակ,

Իմ փոքրիկ նավակ,

Կհասնես, արդյոք,

Ծովին կապուտակ:


Իմ փոքրիկ, փոքրիկ նավակ,

Ուր ես դու, ուր ես լողում,

Ուր են քեզ, ուր են տանում

Գետի ալիքները խելագար:

Կրկներգ.

Իմ փոքրիկ նավակ,

Իմ փոքրիկ նավակ,

Կհասնես, արդյոք,

Ծովին կապուտակ:


Արեգակն անհետացավ,

Ամպերի ետևն անցավ,

Երկնքից անձրև թափվեց,

Ու փոքրիկ գետակը վարարեց:

Կրկներգ.

Իմ փոքրիկ նավակ,

Իմ փոքրիկ նավակ,

Կհասնես, արդյոք,

Ծովին կապուտակ:


Թե ճանապարհին

Խորտակեց քամին,

Եվ դու քնեցիր

Գետի հատակին:

Կրկներգ.

Իմ փոքրիկ նավակ,

Իմ փոքրիկ նավակ,

Կհասնես, արդյոք,

Ծովին կապուտակ:

Ռուբեն Հախվերդյան «Օրոր»

Ես հնարել եմ այս երգը,

Որ դու հանկարծ չտխրես,

Որ կորցրած քո երազը

Քո քնի մեջ դու գտնես:


Որ դու սիրես այս աշխարհը

Ու հավատով այդ ապրես,

Դու քո կյանքի ճանապարհը

Միշտ լուսավոր կտեսնես:


Թե մթնի քայլելու քո ճամփան մի օր,

Թող հնչի իմ այս երգը որպես օրոր:

Քոնն է հրաշք այս աշխահը,

Եվ այս հեքիաթն իրական,

Եվ այս դաժան մոլորակը,

Եվ փորձության քո ճամփան:


Ես հնարել եմ այս երգը,

Որ դու չհուսահատվես,

Քեզ պարգևած այս հրաշքը

Քո ձեռքից բաց չթողնես:


Հավատա և սիրիր, իմ փոքրիկ ընկեր,

Կյանքը այս քեզ տրված է որպես նվեր:

Ռուբեն Հախվերդյան «Ծիածան»

Արեգակը քեզ ուրախ ժպտաց-

Լուսաբաց է, պայծառ լուսաբաց:

Խոտերը դեռ թաց են,

Ծառերը թրջված-

Ծիածան է երկնքից կախված:

Ծիածանը երկնքից կախված-

Յոթ գույներով իր շողշողաց:

Օրը շշնջաց,

Օրը քեզ ասաց՝

Բաց արա քո պատուհանը բաց:

Աքաղաղի ծուղրուղուն զնգաց-

Շնիկը հաչեց պոչը տնկած:

Ծիծանը բաց

Երկնքից կախված-

Նոր օրվա նկարն է զարդարված:

Արեգակի շողերը, տես՝

Համբուրում են քեզ, համբուրում են քեզ:

Ռուբեն Հախվերդյան «Հեքիաթ»

Կկատարվեն բախտագուշակ կնոջ խոսքերը,

Եվ երջանիկ արքայորդին քեզ կայցելի,

Եվ պարտեզում, որտեղ բացվել են ծաղիկները,

Նա քեզ քնքուշ, այնպես քնքուշ կհամբուրի:


Ծիծեռնակի ձայնով կբացվի առավոտը,

Եվ վարագույրը գիշերվա կանհետանա,

Երբ քո սրտում կդողդողա թռչնակ կարոտը,

Այնժամ քո սրտում գարունը ցանկալի այցի կգա:

Կրկներգ.

Արի ինձ մոտ, և կբացվեն գարնան դռները,

Ծիծեռնակները ետ կգան առաջվա պես:

Արի ինձ մոտ, երբ իմ այգում դաժան ձմեռ է,

Ձմռան ցուրտ շունչը կհալվի սառույցի պես:


Երբ կփակվեն քո դեմ բախտի բոլոր դռները,

Երբ դառնաս դու բոլորին անցանկալի,

Երբ կվխտան քո շուրջ մարդկանց անհոգ դեմքերը,

Այնժամ դու ինձ քո մոտ կանչիր, իմ սիրելի:


Դու քո սրտում պահիր գուշակ կնոջ խոսքերը

Ու հավատա ճակատագրի կախարդանքին.

Ծիծեռնակի ձայնով կբացվի առավոտը,

Եվ կայցելի քեզ երջանիկ արքայորդին:

Կրկներգ.

Արի ինձ մոտ, և կբացվեն գարնան դռները,

Ծիծեռնակները ետ կգան առաջվա պես:

Արի ինձ մոտ, երբ իմ այգում դաժան ձմեռ է,

Ձմռան ցուրտ շունչը կհալվի սառույցի պես:

Արևիկ «Երազանք»

Մեծ երկնքում փայլող աստղեր

Ձեզ խնդրում եմ ինձ հիմա տարե՛ք վերև,

Որ երկնքից նայեմ ներքև,

Իմ փայլով սիրո լույսեր այնտեղ վառեմ:

Իմ մեծ սիրուն փոքրիկ լուսին

Ես խնդրում եմ քեզ դու ինձ դի՛ր քո ուսին,

Թող երկուսով փայլենք ու շողանք, որ

Բոլորին թվա, թե կա երկու լուսին:


Կրկ. Երազանքների բարի՛ փերի,

Քեզ խնդրում ենք մեր երազը վառ դու կատարի՛ր

Ու մանուկներին անհոգ, բարի

Անհամար երգեր, ուրախ օրեր դու պարգևի՛ր:

Երազանքների բարի՛ փերի,

Քեզ խնդրում ենք մեր երազը վառ դու կատարի՛ր

Ու մանուկներին, ու մանուկներին

Դու անհոգ օրեր պարգևի՛ր:


Թող որ տանենք մեզ հետ այսօր

Ողջ աստղերը, որ թվում են հեռու, բայց մոտ /շատ մոտ/:

Այդ ժամանակ արդեն մենք էլ ձեզ պես

Կփայլենք ու կշողանք արևի պես:

Հե՜յ, հե՜յ, սիրու՛ն լուսին, բա՛րկ արև անմար,

Մեզ համար, մեզ համար գարուններ բերե՛ք լուսե,

Նոր երգեր ու սեր:


Կրկ. Երազանքների բարի՛ փերի,

Քեզ խնդրում ենք մեր երազը վառ դու կատարի՛ր

Ու մանուկներին անհոգ, բարի

Անհամար երգեր, ուրախ օրեր դու պարգևի՛ր:

Երազանքների բարի՛ փերի,

Քեզ խնդրում ենք մեր երազը վառ դու կատարի՛ր

Ու մանուկներին, ու մանուկներին

Դու անհոգ օրեր պարգևի՛ր, պարգևի՛ր:

Մի փոքրիկ բացատում

Մի փոքրիկ բացատում,
Մի փոքրիկ տնակում,
Ապրում էր մի փոքրիկ աղջնակ,
Այդ փոքրիկ աղջկան,
Այդ սիրուն աղջկան,
Սիրում էր մի փոքրիկ պատանի,
Այդ փոքրիկ աղջկան,
Այդ սիրուն աղջկան,
Սիրում էր մի փոքրիկ պատանի:

Բայց դեվը, չար դեվը,
Փախցրեց աղջկան,
Ու տարա՜վ պալատը՜,
Տղան իր ձին նստեց,
Թուր կեծակին կապեց,
Աղջկան չար դևից ազատե՜ց,
Տղան իր ձին նստեց,
Թուր կեծակին կապեց,
Աղջկան չար դևից ազատե՜ց:

Լիանա Նիկողոսյան «Երգ Ամանորի»

I տուն

Արթնացիր, բաց աչքերդ

Ու նորից դու կտեսնես,

Որ ձյունե սպիտակ սավանը

Տարածվել է շուրջը մեր:

Փոքրիկներ միացե’ք մեզ

Միացե’ք մեր շքերթին,

Միասին ենք բացելու մենք

Փակ դռները հեքիաթի:


Կրկներգ- Լռում են զանգերը

Բոլորն էին քեզ սպասում

Եվ սիրելի Ձմեռ Պապը

Սպասված հյուրն է դառնում:

Հնչում են զանգերը

Զնգում են ու կանչում

Եվ սիրելի Ձմեռ Պապը

Դռներն է մեր թակում:

II տուն

Ղողանջում են զանգերը

Խինդ, ծիծաղն է խառնվում,

Ձյունանուշը պապիկի հետ

Նվերներն է բաժանում:


Փոքրիկներ դե շտապեք, ու կլոր շրջան կազմեք,

Որ պապին միանա մեզ ու պարի ինչպես որ մենք: