.


ԱՌԱԿ
Գայլերի մոտ՝ բողոքի,
Գնաց երեկ մի մաքի,
Մնաց այսօր այդ մաքուց
Երկու ոսկոռ, մի ագի:

Հիշիր խրատն այս անգիր.
Խիղճ չփնտրես անհարկի՝
Ոչ այսօր և ոչ էգուց,
Ոչ գայլի մոտ, ոչ՝ թագի:

.


ՏՐԻՈԼԵՏ – 6

Դեմ է առել խոփը դարին.
Եվ դարն է քար, և տափն է չոր,
Ակոսներում անկիրք, տոչոր
Դեմ է առել խոփը դարին:
Թոկը լարված, եզը սովոր
Հերկում են, որ սերմեն բարին...
Դեմ է առել խոփը դարին՝
Եվ դարն է քար, և տափն է չոր:

.

.
Ո՞Վ Է ՎԱՐՁԿԱԼԸ

Մեկի գութանն է հարկավոր,
Մեկի էլ՝ գոմեշ-լծկանը,
Մեկը ուզում է տերտերին,
Մեկ այլը՝ իրիցկնկանը:
Շտկիր, Տեր իմ, այս թերին՝
Դժգոհ չմնա վարձկանը,
Չգիտեմ՝ ո՞վ է հարգավոր՝
Ո՞վ է մեր կյանքի վարձկալը:

.