.
ԶԽՐԱՏ
Այնպես խենթացիր,
Որ չխանգարես
Քեզանից առաջ խենթացածներին՝
Անդունդը քարեր գլորածներին:
Հիմարանալիս
Պիտի և խորհես,
Կարգին մտորես՝
Չվիրավորել
Հիմար ու տգետ արարվածներին՝
Մտքով քեզնից շուտ խավարածներին:
Լավ հիշիր նաև
Զխրատը կարճ.
Մեռնելիս նաև եղիր մի քիչ քաջ՝
Լինես տիրակալ, թե՝ ծախու մի հարճ.
Ցավ չպատճառես,
Չհակաճառես
Վաղուց հեռացած մահացածներին
Ժամանակից շուտ հեռացածներին:
Թե դավաճան ես,
Խաղի մեջ ճան ես,
Դավաճանիր լոկ դավաճաններին՝
Դավը դարձնող խրախճանքների:
Սադրիր սադրողին,
Թալանիր գողին:
Խաբելիս – խաբիր ստախոսներին՝
Կեղծամիտ ու նենգ ստախոհներին...
Ստորը, գուցե, ների ստորին՝
Սադրողին,
Գողին,
Դավաճանողին: