.
ՍՐԲԱՑՈՒՄ

Ծլարձակիր, ոսկե ցորեն,
Որ ոսկե հասկ դառնաս նորեն,

Պապս տանի քեզ ջրաղաց,
Ու հետ բերի աղուն աղած:

Տատս խմոր հունցի ծեգին,
Գնդիկ դառնաս նրա ձեռքին:

Իսկ գնդերդ՝ այդ խմորի,
Իջնեն հուրը թոնիր-հորի:

Լավաշ դառնաս շիկանալով
Փռվես տաշտում սրբանալով:

Գնամ աղոթք անեմ դաշտում՝
Լավաշ ունենք, Տեր, մեր տաշտում:
.

ԱՌԱՋԻՆ ՈՒՍՈՒՑԻՉ

Իմ առաջին, իմ ուսուցիչ,
Հաճախում եմ դպրոց ես քիչ,

Սակայն ունեմ հայի գենը՝
Սովորել եմ Այբուբենը,

Գրել գիտեմ Գիմն ու Եչը,
Կսովորեմ մինչև վերջը՝

Եւ՝ Սեն, եւ՝ Լյուն, նաև՝ Մենը,
Ձեզ հետ հեշտ է այս ամենը:

Մեր ուսուցիչ, մեր առաջին,
Նոր ուժ տվող մտքով քաջին,

Արձագանքող միշտ մեր կանչին,
Մեր ծիծաղին ու հառաչին:

Որ ընկալենք կյանքի հայցը,
Վառեցիք մեր մտքի կայծը:

Մեր սերն ընդ ձեզ թող կանաչի,
Ջինջ ծիծաղի պես կարկաչի: