СТАНЬ VIP

Գաբրիել Գարսիա Մարկես

Այս բաժնում ներկայացված են հայտնի մարդկանց կենսագրական նյութերը
В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

Գաբրիել Գարսիա Մարկես

Сообщение:#1  Сообщение Tatev Hayrapetyan » 19 апр 2014, 13:30

(18.65 кб) Просмотров: 938





Կենսագրություն

Գաբրիել Գարսիա Մարկեսը ծնվել է 1927 թ. մարտի 6-ին Կոլումբիայի Արակատակա քաղաքում՝ Էլիխիո Մարկեսի և Լուիզա Սանտյագո Մարկեսի ընտանիքում։ Գաբրիելի ծնվելուց հետո նրա հայրը ձեռք է բերում դեղագործի աշխատանք։ 1929 թ. հունվարին նրա ծնողները տեղափոխվում են Սուկրե։ Մարկեսը մնում է Արակատակայում, ուր նրան դաստիարակում են մայրական կողմից տատն ու պապը։ Հենց նրանք էլ ծանոթացնում են ապագա գրողին ժողովրդական ավանդույթներին և լեզվական առանձնահատկություններին, որոնք էլ դառնում են իր արվեստի հիմնական տարրերը։ Երբ բոլորում է Մարկեսի 9 տարին, մահանում է նրա պապը և Գաբրիելը տեղափոխվում է ծնողների մոտ՝ Սուկրե։

1940 թ.-ին 12 տարեկանում Գաբրիելը կրթաթոշակ է ստանում և սկսում սովորել Սիպակիրա քաղաքի քոլեջում, որը գտնվում էր Բոգոտայից 30 կմ հեռավորության վրա։ 1946 թ.-ին ծնողների դրդմամբ ընդունվում է Բոգոտայի ազգային համալսարանի իրավաբանական բաժին։ Հենց այստեղ էլ նա ծանոթանում է իր ապագա կնոջ՝ Մերսեդես Բարչա Պարդոյի հետ։ 1950 թ.-ին ժամանակից շուտ ընդհատելով ուսումը՝ որոշում է զբաղվել ժուռնալիստիկայով և գրականությամբ։ Նրա ստեղծագործական մտածողության վրա մեծապես ազդել են այնպիսի գրողներ, ինչպիսիք են Էռնեստ Հեմինգուեյը, Վիլյամ Ֆոլքները, Ջեյմս Ջոնսը և Վիրջինիա Վուլֆը, Ֆրանց Կաֆկան։ 1950-1952 թթ.-ին Մարկեսը Բարրանկիլնում աշխատակցում է «El Heraldo» թերթին։ Այդ տարիներին դառնում է գրողների և ժուռնալիստների ոչ պաշտնական խմբի (որը հայտնի էր Բարրանկիլյաների խումբ անվան տակ) ակտիվ անդամ։ 1954-1955 թ.-ին Մարկեսը աշխատում է «El Espectador» թերթում՝ տպագրելով հոդվածներ ֆիլմերի համար։ Որպես թղթակից նա լինում է Իտալիայում, Լեհաստանում, Ֆրանսիայում, Վենեսուելայում և ԱՄՆ-ում։ 1959 թ.-ին Նյու Յորքում ծնվում է իր որդին։

Զուգահեռ Մարկեսը գրում է շարադրություններ, պատմվածքներ և կինոսցենարներ։ 1961 թ.-ին լույս է տեսնում «Գնդապետին ոչ ոք չի գրում» (իսպաներեն՝ El coronel no tiene quien le escriba) գիրքը, իսկ 1966-ին՝ «Չարաբաստիկ ժամը» (իսպաներեն՝ La mala hora, 1966) վեպը։ Համաշխարհային հայտնություն Մարկեսին բերեց «Հարյուր տարվա մենություն» (իսպաներեն՝ Cien años de soledad, 1967) վեպը։ 1972 թ.-ին այս վեպի համար նրան շնորհվում է Ռոմուլո Գալյեգոսի մրցանակը։ 1982 թ.-ին Գաբրիել Գարսիա Մարկեսին շնորհվում է Նոբելյան մրցանակ գրականության ոլորտում «վեպերի և պատմվածքների համար, որոնցում երևակայությունը և իրականությունը միախառնվելով արտացոլում են մի ամբողջ մայրցամաքի կյանքը և կոնֆլիկները»։ Մարկեսը դառնում է առաջին կոլումբիացին, ով ստացավ այս մրցանակը։ 1989 թվականին բժիշկները գրողի մոտ ախտորոշում են թոքի քաղցկեղ, որը, հնարավոր է, առաջ էր եկել ծխախոտի նկատմամբ նրա մեծ հակումից (աշխատելիս նա օրական ծխում էր երեք տուփ ծխախոտ)։ Վիրահատությունից հետո՝ 1992 թ.-ին, հիվանդությունը նահանջում է։ Բայց նա դեռ շարունակում էր առողջական խնդիրներ ունենալ։ 1992 թ.-ի բժշկական հետազոտությունը ցույց է տալիս, որ նա ունի մեկ այլ ուռուցքային հիվանդություն, այս անգամ՝ լիմֆոմա։ Հետագայում նա 2 բարդագույն վիրահատության է ենթարկվում և երկարատև բուժում ստանում ԱՄՆ-ում և Մեքսիկայում։ 2012 թվականի հուլիսի 7-ին BBC World News-ը գրողի եղբոր՝ Հաիմ Գարսիա Մարկեսի միջոցով տարածում է լուրեր՝ համաձայն որոնց Գաբրիել Գարսիա Մարկեսը ծանր հիվանդ էր և տառապում է ծերունական թուլամտությամբ։ «Նա խնդիրներ ունի հիշողության հետ։ Երբեմն ես լալիս եմ` հասկանալով, որ կորցնում եմ նրան», - ասում րէ գրողի եղբայրը և ավելացնում, որ կապված առողջական խնդիրների հետ՝ Գաբրիել Գարսիա Մարկեսն այլևս չի կարող ստեղծագործել»։

2002 թ.-ին լույս է տեսնում հեղինակի կենասագրական եռահատորյակը՝ «Ապրել կյանքի մասին պատմելու համար»-ը, որը դառնում է իսպանական աշխարհում լավագույն վաճառվող գիրքը։ Գիրքը գրված է «մոգական ռեալիզմ» ոճով։ 2004 թ. օգոստոսին Մարկեսը վաճառում է «Սերը ժանտախտի ժամանակ» վեպի էկրանիզացման իրավունքները հոլիվուդյան «Stone Village Pictures» կազմակերպությանը։ Ֆիլմի բյուջեն կազմում է 40 մլն դոլար։ Նկարահանումները անցակցվել են 2006 թ.-ին Կարտախանում՝ Կոլումբիայի կարիբյան ափին։ 2006 թ. հունվարի 26-ին մշակութային գործիչների հետ, ինչպիսիք են Ֆրեյ Բետտոն, Էդուարդո Գալեանոն, Պաբլո Միլանեսը, Էռնեստո Սաբետան, Մարկեսը ելույթ է ունենում Պուերտո Ռիկոյին անկախություն շնորհելու ելույթով։ 2010 թ. աշնանը լույս է տեսնում 1944-2007 թթ.-ի՝ նրա չտպագրված գործերի ժողովածուն՝ «Ես այստեղ ճառեր ասելու համար չեմ»-ը (իսպաներեն՝ Yo no vengo a decir un discurso): Գաբրիել Գարսիա Մարկես մահացել է 2014թ.-ի ապրիլի 17-ին Մեխիկոյում:




Ստեղծագործություններ

Վեպեր

«Երկնային ժամ» (իսպաներեն՝ La mala hora) (1959)
«Հարյուր տարվա մենություն» (իսպաներեն՝ Cien años de soledad) (1967)
«Պատրիարքի աշունը» (իսպաներեն՝ El otoño del patriarca) (1975)
«Սերը ժանտախտի ժամանակ» (իսպաներեն՝ El amor en los tiempos del cólera) (1985)
«Գեներալը իր լաբիրինթոսում» (իսպաներեն՝ El general en su laberinto) (1989)
«Ապրել կյանքի մասին պատմելու համար» (իսպաներեն՝ Vivir para contarla) (2002)
«Վերհիշելով իմ տխուր պոռնիկներին» (իսպաներեն՝ Memoria de mis putas tristes) (2004)





Ֆիլմեր

«Հայտարարված մահվան ժամանակագրություն» (ռեժ.՝ Ֆրանչեսկո Ռոզի, 1987)
«Միայն մահն է անպայան գալիս» (ռեժ.՝ Մարինա Ցուրցումիա, 1992)
«Գնդապետին ոչ ոք չի գրում» (ռեժ.՝ Արթուրո Ռեպշիտեյն, 1999)
«Սերը ժանտախտի ժամանակ» (ռեժ.՝ Մայքլ Նյուելլ, 2007)
«Վերհիշելով իմ տխուր պոռնիկներին» (ռեժ.՝ Հեննինգ Կարլեսեն, 2011)





Մուլտֆիլմեր

«Մեծ թևերով շատ վախենալու մարդը» (ռեժ.՝ Օլեգ Բելոուսով, 1990)
«Վավերագրական ստեղծագործություններ»
«Միգել Լիտտինի գաղտնի արկածները Չիլիում»
«Ապրել պատմելու համար կյանքի մասին»





Ժողովածուներ

«Ես այստեղ ճառեր ասելու համար չեմ»




Վիպակներ և պատմվածքներ

«Երրորդ խոնարհությունը» (իսպաներեն՝ La tercera resignacion) (1947)
«Մահվան մյուս կողմը» (իսպաներեն՝ La otra costilla de la muerte) (1948)
«Եվան իր կատվի ներսում» (իսպաներեն՝ Eva está dentro de su gato) (1948)
«Երեք լուսնոտների խափանումը» (իսպաներեն՝ Amargura para tres sonánbulos) (1949)
«Երկխոսություն հայելու հետ» (իսպաներեն՝ Diálogo del espejo) (1949)
«Կինը, ով միշտ գալիս էր ուղիղ ժամը վեցին» (իսպաներեն՝ La mujer que llegaba a las seis) (1950)
«Երկնագույն շան աչքերը» (իսպաներեն՝ Ojos de perro azul) (1950)
«Տղամարդը գալիս է անձրևի ժամանակ» (իսպաներեն՝ Un hombre viene bajo la lluvia) (1954)
«Իզաբելը նայում է անձրևին Մոկանդոյում» (իսպաներեն՝ Monólogo de Isabel viendo llover en Macondo) (1955)
«Շաբաթ օրվա հաջորդ օրը» (իսպաներեն՝ Un día despues del sábado) (1955)
«Կեսը ոչ ոք չի գրում» (իսպաներեն՝ El coronel no tiene quien le escriba) (1957)
«Մոնտելյեի այրին» (իսպաներեն՝ La viuda de Montiel) (1961)
«Արհեստական վարդերը» (իսպաներեն՝ Rosas artificiales) (1961)
«Մեր քաղաքում գողեր չկան» (իսպաներեն՝ En este pueblo no hay ladrones) (1962)
«Բալտասարի կյանքի անմոռանալի օրը» (իսպաներեն՝ La prodigiosa tarde de Baltazar) (1962)
«Երեքշաբթիի հետճաշյա հանգիստը» (իսպաներեն՝ La siesta del martes) (1962)
«Այդ օրերից մեկը» (իսպաներեն՝ Un día de éstos) (1962)
«Մեծ թևերով շատ ծեր մարդը» (իսպաներեն՝ Un señor muy viejo con unas alas enormes) (1968)
«Ուրվական նավի վերքին ճանապարհորդությունը» (իսպաներեն՝ El último viaje del buque fantasma) (1968)
«Հայտարարված մահվան ժամանակագրությունը» (իսպաներեն՝ Cronica de una muerte anunciada) (1981)
«Քո արյան հետքը ձյան վրա» (իսպաներեն՝ El rastro de tu sangre en la nieve) (1982)
«Բարի ճանապարհ, պարոն նախագահ» (իսպաներեն՝ Bon Voyage, Mr President) (1992)
«Օգոստոսյան սարսափներ» (իսպաներեն՝ Espantos de agosto) (1992)
«Սուրբը» (իսպաներեն՝ La Santa) (1992)
«Քնած դժգուհու ինքնաթիռը» (իսպաներեն՝ El avión de la bella durmiente) (1992)





«Ես քեզ սիրում եմ ոչ նրա համար, թե ով ես դու, այլ նրա համար, թե ով եմ ես, երբ քո կողքին եմ»:
Գաբրիել Գարսիա Մարկես




«Ոչ մեկը արժանի չէ քո արցունքներին: Իսկ ով արժանի է, երբեք քո արտասվելու պատճառը չի դառնա»:

Գաբրիել Գարսիա Մարկես




«Միայն այն պատճառով, որ մեկը քեզ չի սիրում այնպես, ինչպես դու ես ուզում, չի նշանակում, որ նա քեզ չի սիրում ամբողջ սրտով»:

Գաբրիել Գարսիա Մարկես




«Իսկական ընկերը նա է, ով կբռնի քո ձեռքը և կզգա քո սիրտը»:
Գաբրիել Գարսիա Մարկես




«Ինչ որ մեկի համար թախծելու վատթարագույն միջոցը` լինել նրա կողքին և հասկանալ, որ նա երբեք քոնը չի լինելու»:

Գաբրիել Գարսիա Մարկես
Аватара пользователя
Tatev Hayrapetyan (Автор темы)
Частый посетитель
Частый посетитель
Информация: Показать детали


Вернуться в Կենսագրություններ



 


  • Похожие темы
    Комментарии
    Просмотры
    Последнее сообщение