ДЛЯ ПРАВИЛЬНОЙ РАБОТЫ САЙТА ОТКЛЮЧИТЕ БЛОКИРОВКУ РЕКЛАМЫ

ԷԴՈՒԱՐԴ ՀԱՐԵՆՑ

В этом разделе запрещается писать русскими или латинскими буквами.
Այս բաժնում կարելի է գրել միայն հայերեն տառերով

ԷԴՈՒԱՐԴ ՀԱՐԵՆՑ

Сообщение:#11  Сообщение Harutin » 29 июн 2011, 15:39

* * *

Ես հիմա
Հատ-հատ պոկում եմ լռության թարթիչները
Ու կարկատում աղոթքս,
Որ պատռվել է երանգներից բառի...
Հիմա երանգն ավելին է, քան ձայնը...
Ու ես արդեն
Ոտաբոբիկ եմ մտնում
Հույսի եկեղեցին,
Որ քայլերս բախտիս
ձայներ չնկարեն։
Շշուկներից քանի՜ ոտնահետք է ճաքել...
Իսկ իմ ոտնահետքը
իմ աղոթքն է սիրուս,
Որ երբեք չի՛ ավարտվում,
Որովհետև չի՛ գունավորվում բառով...
Իսկ հիմա
Գլխավոր գույնը այն է,
Որ սերը զգացմունքի բանաստեղծությունն է...
Որ մուսաները կին չե՛ն դառնում...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#12  Сообщение Harutin » 29 июн 2011, 15:40

Մոդիլիանի

Դուրս գալուց առաջ
Հրեայի թոռը
Ուղեղի ծայրով նշան արեց պանդոկապանուհի Հեբեին,
Եվ վերջինս
Գինու փոխարեն 5000 ֆրանկ էր լցնում
Նրա վիսկիի գավաթի մեջ...
Կուբիզմի էլիպսաձև շունչն ու ծխամորճի ծուխը
Համբուրվում էին երկար,
Ինչպես զուգահեռականն ու միջօրեականը։
Եվ նրանց յուրաքանչյուր հատման կետում
Սառում էին բոլոր ներկաների հայացքները,
Ինչպես չէին թափվում
բեկորները ջարդված հայելու՝
Պաբլոյի ընկերոջ դիմանկարում։
ժան Կոկտոն իր կողքի հղի կնոջով հիանում էր
Դիմացի պատից կախված կտավից ներս...
Դրսում
Ձյունը իր կուսությունն էր կորցնում
Նկարչի սառած բնազդների երկայնքով մեկ
Փղձկացող
թոքախտ արյունով...
Մահվան հրեշտակը
Լիվոռնոյի կենացն էր խմում
Ուտրիլոյի արցունքներով,
Որոնք կուլ էր տալիս՝ իբրև
Դեռևս չհայտնաբերված գույնի կաթիլներ...
Հիտլերը իտալերեն էր թարգմանում
Դավթի սաղմոսները...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#13  Сообщение Harutin » 29 июн 2011, 15:40

* * *

ճակատամարտն ավարտված է այլևս։
Եվ հսկա գիշերն,իբրև նվաճող,
Քաղաք է մտնում ու կանգնում նրա
Արնոտ կոպերին։ Բայց մինչդեռ մութի
Զորքերը դաժան բռնաբարում են
Կիսակործան քաղաքի
Վերջին-կիսամեռ ստվերներին,
Հսկա գիշերը հաղթած Պյուռոս է.
Քաղաքի արնոտ թարթիչներն
Իբրև խաչքարեր գրկած՝
Տառապալից հաղթանակից հետո
Տխրահանդեսն է իր տոնում...
Շուտով քաղաքի ավերակներում
Գիշերվա հոգնած մարմինն ու հոգին
Պիտի նվաճեն
Բոց-երազնե՚րը անմեռ պոետի...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#14  Сообщение Harutin » 29 июн 2011, 15:40

* * *

Այսօր,
ավելի քան երբևէ,
ես սկսում եմ
Աստծո գոյության կարիքն ունենալ։

Իսկ եթե նա կա,
այդ դեպքում
այսօր,
ավելի քան երբևէ,
ես հետզհետե սկսում եմ հավատալ
այն սուրբ լեգենդին,
որ նրա որդին
ինձ պես հասարակ մի մարդ է եղել,
թեև կարող էր ծովալիքները
պահել ոտքի տակ։
Քանզի
այս էլ քանի՜ տարի է,որ
ես ոչ թե քայլում,
այլ վազվզո՜ւմ եմ
Սիրո ու Ցավի
օվկիանի վրա...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#15  Сообщение Harutin » 29 июн 2011, 15:40

* * *

Երազանքները... երազանքները հոգու թևերն են,
Որ թևածում են դեռ հոգուց էլ վեր։
Կենսագրությունը ճակատագըրի միայն մի ստվերն է.
Երևում է, երբ լույսեր կան վառած։
Խոստովանքները ներման լավագույն դերախաղերն են,
Որոնք խաղից էլ երկար են տևել։
Ու... կտրատները վերադարձների երեխաներն են,
Որոնք ծնվում են ... ծնողից առաջ...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#16  Сообщение Harutin » 29 июн 2011, 15:40

* * *

Վան Գոգն ազատվեց իր ականջից,
Որովհետև այն իրեն պետք չէր.
Նա արդեն լսե՛լ էր Հանճարը։
Ալ-Մա՚արին իրականում տեսնում էր այնքան,
Որ այլևս
Աչքերն այնքան էլ կարևոր չէին։
Չարենցը գերեզման չունեցավ,
Քանզի
Նա դեռ չի՛ էլ մեռել։
Ես մարդկանց ձախո՛վ եմ բարևում,
Որովհեւոև
Աջով արդեն բարևե՛լ էմ Աստծուն...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#17  Сообщение Harutin » 29 июн 2011, 15:41

* * *

Բանաստեղծությունն այս,
Որ ինձ հայր է կոչում,
Որի աչքերն անծի՜ր ծիծաղներով լիքն են,
Իմ տխրության պահին
Ղողանջո՜ւմ է այնպես,
Կարծես իմ ժպիտը
Իր կորցրած խաղալի՛քն է...
Բոլոր խաղերում հաղթում է միշտ,
Պատմում է իր սիրած աղջիկների մասին,
Իսկ քնելուց առաջ
Հրամայում է,
Որ ես հեքիաթնե՚րը պատմեմ
իմ մանկության...
Ու ես ցնդա՜ծ աշնան նման
Փո՜ւլ եմ գալիս հրաշքիս դեմ...
Ու զավակիս ճիչերն առած ափերիս մեջ՝
Շշնջում եմ.
«Հեքիա՚թը հենց դո՛ւ ես,խենթո՚ւկ։»...
Եվ այն հրճվանքից,
Որ ես ոչ մի կերպ
հեքիաթ չե՚մ հիշում,
Նա խնդմևդո՜ւմ է վրաս
ողջ գիշեր՝
մինչև լուսաբաց...
Հետո
Կոպերի արանքում պահած զնգոցը խինդի՝
ներս է մտնում նինջի խորան։
Թե քնո՚ւմ է երգս,միայն աչքերը բա՚ց...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#18  Сообщение Harutin » 29 июн 2011, 15:41

Պոեզիա

Դարերի
ճաքած ողնաշարն ի վար
Քարիտի
ուռած կրծքերից հոսող՝
Մա՚արու աչքից,
Վան Բեթհովենի
լսողությունից,
Դանթեի վախից,
Կալլասի ձայնից
Եվ
Չարենցի գի՜ժ ուղեղից
Եփած
զվարթո՜ւն կոկտեյլ...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#19  Сообщение Harutin » 29 июн 2011, 15:41

Դիլիջանուհի

Խորանի մեջ՝
Աչքեր՝ լուսին արտասանող,
Եվ աստղեր են
Թևում ղողանջներով մոմե։
Խորանից դուրս՝
Ծաղկած կարոտի պես անհողմ՝
Ասուպներ են
Բուրում՝ որպես կենսակայմեր...
Աստղաժպիտներ են
Պարում կանաչն ի վար՝
Վերադարձի նման արցունքորեն
Խնդուն,
Եվ կանաչում նիրհող
Վարսանդներից օրվա-
Ինքն իրեն հերքում է
Մի
Կո՜ւյս
Ցտեսություն...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали

ԷԴՈՒԱՐԴ ՀԱՐԵՆՑ

Сообщение:#20  Сообщение Harutin » 29 июн 2011, 15:41

* * *

Ամառները՝ փլվող շիկնանք,
Ինչպես թաղանթները
Ռոդենյան «Դանայուհու» գլխուղեղի...
Աշունները՝ բախտից հոգնածորե՜ն փնթի,
Իրենք իրենց երանգից դուրս՝
Ոնց բարոկկո ոճով ճղված՝
նկարչուհու կրծկալ...
Ձմեռները՝ պտղաջրեր առաջ՝
Հրեշտակի կանաչ երազների միջից
Ինքնահերքվող վարսանդների
Սփրթնած տևողություն...
Բայց դեռ գարո՜ւնն եմ ես
Անփոխադարձ սիրո...
Изображение
Аватара пользователя
Harutin (Автор темы)
Gisher.Ru Team
Gisher.Ru Team
Информация: Показать детали



Вернуться в Բանաստեղծություններ



 


  • Похожие темы
    Комментарии
    Просмотры
    Последнее сообщение

Активность

Сейчас этот форум просматривают: нет зарегистрированных пользователей и гости: 1


⇑ Наверх
⇓ Вниз