ԱՆՑՅԱԼԻՑ ԵՐԿՈՒ ԹԵԼ - Վանաձոր քաղաքի Երևանյան խճուղի 90 հասցեում գտնվող հանրակացարանի 309 սենյակում ապրում է 44-ամյա Լիլիթ Ստեփանյանի ընտանիքը: Նրանք այստեղ են տեղափոխվել 2008թ.-ին Բելառուսների տնակային ավանից: հետագայում երանի տալով տնակային պայմաններին: Կոմունալ տարրական հարմարություններից զուրկ այս սենյակում Լիլիթն ամուսնու հետ մեծացնում է 2 զավակ՝ պայքարելով նրանց առողջության, ներկայի ու ապագայի համար: Լիլիթն աշխատում է՝ դրա դիմաց ստանալով գրոշներ, ու երազում է, որ տարվա 7 ամիսը ամառ լիներ: